Panic Room (film)
|
C'l artìcul chè 'l è scrit in
Miranduléś |
 Panic Room | ||
.png) La Jodie Foster in na figùra dal film | ||
| Cambra anti-pànig 2002 | ||
|---|---|---|
| Regìa: David Fincher | ||
| Scritōr: David Koepp | ||
| Atōr: Jodie Foster • Kristen Stewart • Jared Leto Forest Whitaker • Ian Buchanan • Dwight Yoakam Patrick Bauchau • Ann Magnuson • Paul Schulze | ||
| Müsica: Howard Shore | ||
| Léngua: Ingléś | ||
| Dürä dal film: 112 minüt | ||
| Nasiōṅ: Stat Unî | ||
Panic Room (Cambra anti-pànig) 'l è 'n thriller americàṅ dal 2002 ad David Fincher. Custâ quarànt'òt migliòṅ ad dòlar, al film al 'n à pò muciâ sù dagnóra duśènt.
La part dla prutagunìsta, andàda a la Jodie Foster, a 'l inìsi l'éra stada pinsàda par la Nicole Kidman che però l'è stada custréta a tiràr-'s indrē par via d'n incidènt ch'l'iva patî dòp avēr girâ soquànti séni.
Sunt
[mudéfica la surzéia]Dòp al divòrsi, la Meg Altman (Jodie Foster) la spatìna insém a sò fiōla Sarah (Kristen Stewart) in dla cà a tri piàṅ ch'l à péna cumprâ a Manhattan. In dal palàs a gh'è anc na panic room, na cambra blindàda 'd sicurésa in du a gh'è un sistéma 'd video-survegliànsa e dal scòrti 'd magnàr.
Pròpria durànt la prima nòt pasàda lè, la Meg guardànd i schérum la fà a mènt ch'in cà i s èṅ insfilsâ tri rapinadōr. La decìd acsè ad lugàr-as, srand-as dènt'r a la panic room insém a sò fiōla. La n sà minga però ch'al cap dla banda, Junior (Jared Leto), 'l è 'l anvōd dal vèć pruprietàri e 'l è lè insém a Raoul (Dwight Yoakam) e a 'l tècnig Burnham (Forest Whitaker) pròpria p'r andàr a rubàr in dal caveau, esénd ch'al sà che lè a gh'è un muć ad bèsi.