Panda
|
C'l artìcul chè 'l è scrit in
Miranduléś |
.svg){kind=small} Panda
| |
 un panda | |
| Dominì: Eukaryota | |
| Rèign: Animalia | |
| Phylum: Chordata | |
| Clâsa: Mammalia | |
| Superórdin: Euarchontoglires | |
| Órdin: Carnivora | |
| Famija: Ursidae | |
| Sòtfamija: Ailuropodinae | |
| Gènàr: Ailuropoda | |
| Sòrta: Ailuropoda melanoleuca David 1869 | |
| Sòtsòrta: A. m. melanoleuca • A. m. qinlingensis | |
Al panda (nóm sientìfic Ailuropoda melanoleuca), cgnusû anc cuma panda gigànt o cuma panda magiōr, 'l è 'n mamìfar dla famìja di ursidae ch'al viṿ in Cina, in dla regiòṅ 'd muntàgna dal Sichuan. Vèrs la secónda mità dal XX sécul 'l è dvintâ 'n embléma nasiunàł cinéś e anc al sìmbul dal WWF.
'L è imparentâ a la luntàna c'n al panda rós (o panda minōr): tuti dó cal bèsti chè i gh'aṅ di punt in cumùn c'n i ōrs e c'n i pruciòṅ.
Descrisiòn
.jpg)
Al panda 'l è lung da 'n mét'r e vint a 'n mét'r e nuànta, p'r un pēś ch'al pōl andàr da i utànta a i duśènt chilo. 'L è élt da i ssanta a i nuànta cm e 'l pōl campàr ad sòlit in fiṅ a i trénta-sinc o i quarànt'an.
Al sò mantèl 'l è 'd dū culōr: al śàmpi, gl'uréci, i òć e 'l pèt i èṅ négar, tut al rèst 'l è biànc.
Anc s'l è na bèstia clasificàda cuma carnìvura, al panda al magna praticamènt sōl dal bambù (anc quarànta chilo a 'l dè), sōl na quàlc vòlta al pōl magnàr quèl àtar cuma ōṿ, insèt o caróggni. Al mutìṿ ad cal cumpurtamènt chè 'l è che quàtar migliòṅ 'd an fà a 'l incìrca òṅ di sò gēn, al T1R1, 'l è mutâ faghénd-ag pèrdar al savōr dla carna che dònca par lōr la n sà da gnint. Quànd al panda al biàsa, al sò uréci i s mōvan.
In dla maṅ al gh'à sinc dida e 'n “pòlas fals”, frut dal śvilùp d'n òs ch'al gh sarvìs par ciapàr e stricàr i ram dal bambù par purtàr-i in bóca.
I natùra i panda i vìvan da par lōr tut 'l an, a part al perìud d'l amōr, sénsa andàr in letàrg durànt 'l Invèran. La fémna la dà a la luś un pìcul par vòlta e s'i nàsan dū śmèi la n gh la cava minga a tgnir adrē a tut dū. Al pìcul 'l armàgn cun sò màdar par daśdòt méś.
Culegamènt estéran
Àtar prugèt
Wikiquote contiene citazioni di o su Panda
Wikimedia Commons contiene file multimediali su Panda
