Gòb

C'l artìcul chè 'l è scrit in Miranduléś

Gòb
un gòb
Dominì: Eukaryota
Rèign: Animalia
Sòtrèign: Eumetazoa
Ram: Bilateria
Phylum: Chordata
Subphylum: Vertebrata
Superclâsa: Gnathostomata
Clâsa: Actinopterygii
Sòtclâsa: Osteichthyes
Superórdin: Acanthopterygii
Órdin: Perciformes
Sòtórdin: Percoidei
Famija: Centrarchidae
Gènàr: Lepomis
Sòrta: Lepomis gibbosus, Linnaeus (1758)

Al gòb, dit anc pés arlój o pés pèrśag sōl (nóm sientìfic: Lepomis gibbosus, cgnusû in itagliàṅ cuma persico sole, pesce sole, gobbo o gobbetto), 'l è 'n pés 'd àqua dōlsa ch'al fà part dla famìja di Centrarchidae, uriginàri di Stat Unî e fat rivàr cun sucès in Itàglia da 'l 1887 in avànti.

A 'l dè 'd incō 'l è fàcil catàr-'l in dal Po, in dal Tévar, in d'l Àran, in dal Sécia, in dal Panâr e in di àtar fiùm e canài o sinò anc in di lâg cuma 'l Traśimên.

A gh piàś armàgn'r a riva, darènt a la sàbia e a la śmalta, in dua la curènt la n è mia fòrta ma in Invèran, quànd a fà fréd, al ténd a mōv'r-as vèrs gl'aqui più fóndi in du al s mét in un stadi sìmil a l'ibernasiòṅ. Al magna di pés piculèṅ, ōṿ o di invertebrâ ch'al pésca fra la vegetasiòṅ ma a gh piàś da tut tant ch'l è fàcil ciapàr-al quànd a s và a pés.

Al sò còrp 'l è élt e tónd e dimóndi culurâ, da 'l śàl a 'l vérd pasànd p'r al celestèṅ e 'l rós e brónś, méntar la pansa 'l è più ciàra. Al vîṅ da spés sarnî p'r èsar mis in di aquàri. 'L è lung da i déś a i vint-sinc cm e 'l péśa soquànt èt.

Fra maǵ e śugn a gh'è 'l acupiamènt. La fémna la lasa i sò ōṿ in na buśa e pò a gh pénsa 'l masć duminànt a fecundàr-i e a tgnir-'g a drē par soquànt dè dòp ch'i èṅ nâ i pisulèṅ.

La sò carna l'è bòna ma l'è pîna 'd réschi, bèli dûra fra 'l àtar.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Gòb
Wikimedia Commons contiene file multimediali su Gòb