Oliver Stone

C'l artìcul chè 'l è scrit in Miranduléś

William Oliver Stone, cgnusû méj cuma Oliver Stone (New York, 15 ad Setémbar dal 1946, a s lèś [ˈɑlɪvɚ stoʊn] in ingléś) 'l è 'n regista, senegiadōr, atōr e prudutōr americàṅ, vinsidōr ad tri Prèmi Òscar, in dal 1979 par la senegiadùra minga uriginàla 'd Fuga di mezzanotte, in dal 1987 par la regìa ad Platoon e in dal 1990 par la regìa ad Nato il quattro luglio, ólt'r a òt candidadùri.

In bachéca al gh'à anc sinc Golden Globe, p'r i tri film bèla premiâ da 'l Academy Award ma anc par JFK - Un caso ancora aperto (1992).

C'n al sò stîł impgnâ, càrag e spetaculàr 'l à da spés dasquaciâ 'l vēl su 'l fridi dl'Amèrica di nòstar dè, puntànd i òć vèrs i sógn delûś dla sò generasiòṅ. Fra i sò àtar film più impurtànt, dòp 'n inìsi in dal gènar dla scarésa, a 'rcurdém Wall Street, Assassini nati - Natural Born Killers, Gli intrighi del potere - Nixon, Alexander, The Doors e Ogni maledetta domenica.

Cuma senegiadōr 'l à laurâ cun Alan Parker (in Fuga di mezzanotte e Evita, film biugràfic cun prutagunìsta la Madonna), John Milius (in Conan il barbaro), Brian De Palma (in Scarface cun Al Pacino), Michael Cimino (in L'anno del dragone) e cun Hal Ashby (in 8 milioni di modi per morire).

In dla lista di film prudót da lò minga suo a catém Blue Steel - Bersaglio mortale (1990), Il mistero Von Bulow (1990), Il circolo della fortuna e della felicità (1993), Larry Flynt - Oltre lo scandalo (1996), The Corruptor - Indagine a Chinatown (1999) e àt'r incóra.

Oliver 'l è budìsta e 'l à fat la guèra in Vietnam, in dua 'l è anc armàś frî in batàja. Al s è laureâ a la New York University Film School. Fra i sò insgnànt a gh'éra anc Martin Scorsese. Da 'l punt ad vista pulìtig 'l è stâ da spés mis darènt a 'l pinsēr dla sinìstra. 'L iva dâ 'l sò apòǵ a Barack Obama durànt gl'elesiòṅ dal 2008, par pò criticàr-'n al puśisiòṅ in àmbit militàr, e a 'l senadōr indipendènt dal Vermònt Bernie Sanders.

Filmugrafìa

cuma regìsta

1974 - La regina del male (Seizure)
1981 - La mano (The Hand)
1986 - Salvador
1986 - Platoon
1987 - Wall Street
1988 - Talk Radio
1989 - Nato il quattro luglio (Born on the Fourth of July)
1991 - The Doors
1991 - JFK - Un caso ancora aperto (JFK)
1993 - Tra cielo e terra (Heaven & Earth)
1994 - Assassini nati - Natural Born Killers (Natural Born Killers)
1995 - Gli intrighi del potere - Nixon (Nixon)
1997 - U Turn - Inversione di marcia (U Turn)
1999 - Ogni maledetta domenica (Any Given Sunday)
2003 - Comandante - ducumentàri
2003 - Persona non grata - ducumentàri
2004 - Alexander
2004 - Looking for Fidel - ducumentàri
2006 - World Trade Center
2008 - W.
2009 - A sud del confine (South of the Border) - ducumentàri
2010 - Wall Street - Il denaro non dorme mai (Wall Street: Money Never Sleeps)
2012 - Le belve (Savages)
2016 - Snowden
2021 - JFK Revisited: Through the Looking Glass - ducumentàri
2022 - Nuclear Now - ducumentàri

cuma atōr

1971 - The Battle of Love's Return, regìa ad Lloyd Kaufman
1981 - La mano (The Hand), regìa 'd Oliver Stone
1986 - Platoon, regìa 'd Oliver Stone
1987 - Wall Street, regìa 'd Oliver Stone
1989 - Nato il quattro luglio (Born on the Fourth of July), regìa 'd Oliver Stone
1991 - The Doors, regìa 'd Oliver Stone
1993 - Dave - Presidente per un giorno, regìa ad Ivan Reitman
1995 - Gli intrighi del potere - Nixon (Nixon), regìa 'd Oliver Stone
1999 - Ogni maledetta domenica - Any Given Sunday (Any Given Sunday), regìa 'd Oliver Stone
2003 - Comandante, regìa 'd Oliver Stone - ducumentàri
2003 - Persona non grata, regìa 'd Oliver Stone - ducumentàri
2004 - Looking for Fidel, regìa 'd Oliver Stone - ducumentàri
2005 - Torrente 3: El protector, regìa ad Santiago Segura
2010 - Wall Street - Il denaro non dorme mai, regìa 'd Oliver Stone
2012 - Greystone Park, regìa ad Sean Ali Stone

Culegamènt estéran

Àtar prugèt

Wikiquote contiene citazioni di o su Oliver Stone
Wikimedia Commons contiene file multimediali su Oliver Stone