O come Otello
|
C'l artìcul chè 'l è scrit in
Miranduléś |
 O | ||
| O come Otello | ||
 Mekhi Phifer in na figùra dal film | ||
| O cuma Otello 2001 | ||
|---|---|---|
| Regìa: Tim Blake Nelson | ||
| Scritōr: William Shakespeare • Brad Kaaya | ||
| Atōr: Mekhi Phifer • Julia Stiles • Martin Sheen Josh Hartnett • Andrew Keegan • Rain Phoenix Chris Freihofer • Elden Henson • John Heard Anthony Johnson • Chris Dong • Rachel Shumate | ||
| Müsica: Jeff Danna | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
O come Otello (O cuma Otello) 'l è 'n film thriller dramàtic dal 2001 ad Tim Blake Nelson trat da n'òvra 'd William Shakespeare.
La pelìcula l'à fat sù da piò ad daśnóṿ migliòṅ ad dòlar dòp ès'r-an custàda sinc.
Sunt
[mudéfica la surzéia]Odin James (Mekhi Phifer) 'l è 'n campiòṅ ad basket universitàri e 'l è négar. Al sò alenadōr, Duke Goulding (Martin Sheen), 'l è 'l pàdar dal sò cumpàgn ad squàdra Hugo (Josh Hartnett) mént'r anc al sò amìg più grand, Michael Cassio (Andrew Keegan), al śōga sèg. Vdénd che sò pàdar 'l è tut p'r Odin, quànd chi lò al vîṅ premiâ cuma 'l śugadōr più brâṿ dal campiunâ, Hugo al n è minga bòṅ ad mandàr śò al ròsp e 'l decìd ad far-'g-la pagàr.
Cun 'l ajùt dal sò cumpàgn ad cambra, un ragàs piutòst tìmid ciamâ Roger Calhoun (Elden Henson), al decìd ad mét'r in òvra dal traplàdi par casàr via da la scóla al sò “nemìg”, cuma qvéla 'd far dir a 'l prèsid Dean Brable (John Heard) cun na telefunàda anònima che sò fiōla Desi (Julia Stiles) l'è stada viulentàda da Odin. La ragàsa però la diś ch'a n è minga véra e che chi lōr dū i s èṅ fat muróś da soquànt méś e ch'l è dimóndi cuntènta sèg.
Hugo al dvènta sèmpar più catìṿ e 'l riva a strulgàr un piàṅ par ruinàr Odin e Michael, faghénd créd'r a 'l prim che la sò muróśa la gh'à na stòria c'n al secónd, par pò cupàr Cassio faghénd-al pasàr cuma 'n masamènt ad geluśìa par dar la cólpa a James.