Pecunia non olet
(Reindirizzamento da Non olet)
|
C'l artìcul chè 'l è scrit in
Miranduléś |
Pecunia non olet (literalmènt I bèsi i n gh'aṅ minga udōr) l'è na manéra 'd dir latìna ch'a s dróa anc da 'l nòstri bandi p'r indicàr ch'a n gh'è mia da star tròp a dascórar da in du i rìv'n i bèsi e far tròp i presióś parchè i bèsi i èṅ sèmpar di bèsi.
La daśvîṅ da na fraś d'l imperadōr rumàṅ Vespaśiàṅ ch'l'iva mis na tasa su la pisa fata sù in di cèso di privâ, la centesima venalium. Sò fiōl Tît, ch'al n éra briśa 'd acòrd, 'l iva butâ soquànti munédi in un lìcit par sfidàr-al e Vespaśiàṅ, catànd-li sù par naśàr-li, al gh'iva rispòst dgénd ch'«i bèsi i n spùsan minga».