Nancy Brilli

C'l artìcul chè 'l è scrit in Miranduléś

La Nancy Brilli, nóm 'd art dla Nicoletta Brilli (Róma, 10 'd Avrìl dal 1964), l'è n'atōra e persunàǵ televiśìṿ itagliàṅ, vinsidōra 'd un Dàvid ad Dunatèl in dal 1990 p'r al film Piccoli equivoci.

Òrfna 'd màdar da quànd la gh'iva déś an, l'à fat al sò debùt al cìnema faghénd la part dla Miriam Petacci in dal film Claretta ad Pasquale Squitieri, pò l'à girâ dū film ad scarésa, Dèmoni 2... L'incubo ritorna ad Lamberto Bava e Camping del terrore ad Ruggero Deodato. In séguit la taca a giràr dal cumèdi, da spés par Carlo Vanzina e Fausto Brizzi.

In dla sò caréra 'l à alternâ 'l sò lavōr a 'l cìnema cun qvéi a teàtar e a la televiśiòṅ, in dua l'à recitâ in Papà prende moglie (1993), Italian Restaurant (1994), Commesse (1999-2002), Il bello delle donne (2001-2003), Madame (2004) e Caterina e le sue figlie 2 (2007).

In televiśiòṅ l'à tòlt part a i prugràma Milano-Roma (1998), Ciao Darwin (1998), Zecchino d'Oro (2006), Drag Race Italia (2022), Pechino Express (2024) e BellaMa' (2024-2025).

La Nancy l'è stada spuśàda cun 'l atōr Massimo Ghini e 'l regìsta Luca Manfredi.