Nacho Martínez
|
C'l artìcul chè 'l è scrit in
Miranduléś |
Ignacio Martínez Navia-Osorio, cgnusû méj cuma Nacho Martínez (Mieres, 8 ad Luj dal 1952 - Uviêd, 24 ad Luj dal 1996, a s lèś [ˈnatʃo maɾˈtineθ] in spagnōl) 'l è stâ 'n atōr spagnōl.
Filmugrafìa
[mudéfica la surzéia]Asturiàṅ 'd urìgin, Nacho al taca la sò caréra a 'l cìnema tulénd part a 'l film Tasio dirèt in dal 1984 par Montxo Armendáriz. In ségut al vîṅ sarnî da Pedro Almodóvar par far la part dal turēr Diego in dal dramàtic Matador (1986), in còpia cun l'Assumpta Serna. In séguit al tōś part a àtar dū film dal regìsta manciàṅ, La legge del desiderio (1987), cun la Carmen Maura e Antonio Banderas, e Tacchi a spillo (1991), a fiànc dla Victoria Abril, dla Marisa Paredes e 'd Miguel Bosé.
In dal 1986 'l à recitâ cun l'Ángela Molina in dal drama La mitad del cielo e cun José Sacristán in dal cult-movie Il viaggio in nessun luogo, faghénd na part pìcula.
'L è mòrt śōvan, a quarànta-quàt'r an, p'r un cànc'r a i palmòṅ
Filmugrafìa
[mudéfica la surzéia]- 1984 - Tasio, regìa ad Montxo Armendáriz
- 1984 - Hierro dulce, regìa ad Francisco Rodríguez Gordillo
- 1985 - Caso cerrado, regìa ad Juan Caño Arecha
- 1985 - Extramuros, regìa ad Miguel Picazo
- 1986 - Adiós pequeña, regìa 'd Imanol Uribe
- 1986 - Il viaggio in nessun luogo (El viaje a ninguna parte), regìa ad Fernando Fernán Gómez
- 1986 - Matador, regìa ad Pedro Almodóvar
- 1986 - Amarga amargura, regìa ad Domingo Sánchez
- 1986 - La mitad del cielo, regìa ad Manuel Gutiérrez Aragón
- 1987 - La legge del desiderio (La ley del deseo), regìa ad Pedro Almodóvar
- 1989 - Los días del cometa, regìa ad Luis Ariño
- 1990 - A solas contigo, regìa 'd Eduardo Campoy
- 1990 - El anónimo... ¡vaya papelón!, regìa 'd Alfonso Arandia
- 1991 - Tacchi a spillo, regìa ad Pedro Almodóvar
- 1991 - La viuda del capitán Estrada, regìa ad José Luis Cuerda
- 1993 - La fiebre del oro, regìa ad Gonzalo Herralde
- 1996 - Mi nombre es sombra, regìa ad Gonzalo Suárez