Myrta Merlino

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La Merlino tòlta śò in dal 2011


La Myrta Merlino (Nàpuli, 3 ad Maǵ dal 1969) l'è na giurnalìsta e cundutōra televiśìva itagliàna.

L'è ligàda a 'l èx śugadōr ad fólbar Marco Tardelli, campiòṅ dal mónd in dal 1982, e la gh'à tri fiōi abû da di àt'r óm.

Biugrafìa

La Myrta Merlino

Dòp èsar-'s laureàda in siénsi pulìtichi, la Myrta la taca a culaburàr c'n al giurnàł dla sò sità, Il Mattino, tgnénd adrē a i servìsi finansiàri, dvintànd pò na giurnalìsta 'd mistēr in dal 1995.

In televiśiòṅ la lavóra insém a Giovanni Minoli in dal sò rotocàlc Mixer su Rai 2 pò la pasa a Rai 3 faghénd la respunsàbila ecunòmica e tulénd part a i prugràma Italia Maastricht e Mister Euro. In chi an lè la Merlino la tîṅ adrē anc a déś puntàdi ad La Storia siamo noi. Da 'l 2002 a 'l 2003 l'è a cap dl'infurmasiòṅ ad Rai Educational.

In dal 2009 la pasa a La 7 in du la preśénta Effetto Domino, un prugràma in ónda la sira tard ch'al trata di argumènt ecunòmic. Da 'l 2011 l'è prutagunìsta dla traśmisiòṅ ad sucès L'aria che tira, un talk show dla matìna da 'l lunadè a 'l venardè in du la trata gl'argumènt dal dè insém a di òspit e a di culegamènt estéran.