Myriam Mézières

C'l artìcul chè 'l è scrit in Miranduléś

La Myriam Mézières (Parì, 19 'd Utóbar dal 1951, a s lèś [mi'ʁjam me'zjɛʁ] in francéś) l'è n'atōra, scritōra e cantànta francéśa, famóśa p'r i film girâ c'n al regìsta śvìsar Alain Tanner e cun Paul Vecchiali. La viṿ fra Barcelóna, Madrìd e Parì e l'è bòna 'd dascórar bèṅ in francéś e spagnōl.

Nada da pàd'r egisiàṅ e màdar céca, la Mézières da pìcula la crés in 'n urfanutròfi par pò tacàr a lauràr cuma atōra a séd'ś an cun la pelìcula Les encerclés mént'r in dal 1973 l'è impgnàda in dla cumèdia satìrica Il mangiaguardie a fiànc ad Michel Piccoli. 'L à dòp la fà l'amìga ebrèja 'd Jean-Pierre Mocky, cun di urìgini suviètichi, in dal film dramàtic Un lenzuolo non ha tasche cun Jean-Pierre Marielle e pò na detective lèśbica ciamàda Mélinda in dal thriller Change pas de main ad Paul Vecchiali, in dua la vîṅ ciamàda par jutàr na dóna pulìtica sóta ricàt p'r un nàst'r in du a s véd sò fiōl impgnâ in un film pòran.

In dal 1976 a l'ém vista in dal film ad scarésa fantasientìfic Spermula, stòria cun la Dayle Haddon e Udo Kier 'd un grup ad dóni d'n àtar pianēd ch'i vōlan steriliśàr i masć dla Tèra, e in dal drama Jonas che avrà 20 anni nel 2000 in dla part dl'anti-cunfurmìsta Madeleine. In dal 1979 l'à laurâ cun la Catherine Deneuve in dal drama A noi due ad Claude Lelouch e cun Nicolas Silberg in dal drama sentimentàł Corpo a cuore.

In di an Utànta a l'arcurdém par la cumèdia négra Terra di nessuno, in dua l'à fat la part dna ragàsa ch'la gh'à na discutéca a 'l cunfîṅ fra Śvisra e Frància ch'la vrév cambiàr vita andànd a Parì par far la cantànta, p'r al drama Una fiamma nel mio cuore, in di pagn dn'atōra 'd teàtar ch'la s divìd fra 'l amōr par 'n óm algirèṅ e qvél p'r un giurnalìsta, e par la cumèdia rumàntica Le mie notti sono più belle dei vostri giorni cun la Sophie Marceau.

In dal 1993 l'è stada prutagunìsta dal drama Le journal de Lady M faghénd al rōl dna dóna ch'la mòla incòsa par tgnir adrē a 'l sò amōr, interpretâ par Juanjo Puigcorbé, méntar dū an dòp la s mét i pagn dla Marìa ad Màgdala in dal drama religióś Marie de Nazareth e qvéi dl'agìnta dn'agensìa 'd casting americàna Sheila Crawford in dla cumèdia Boca a boca cun prutagunìsta Javier Bardem.

Filmugrafìa

1967 - Les encerclés, regìa ad Christian Gion
1968 - La femme bourreau, regìa ad Jean-Denis Bonan
1971 - La vie facile, regìa ad Francis Warin
1973 - Il mangiaguardie (Themroc), regìa ad Claude Faraldo
1973 - Andrò come un cavallo pazzo (J'irai comme un cheval fou), regìa ad Fernando Arrabal
1974 - Le troisième cri, regìa 'd Igaal Niddam
1974 - Un lenzuolo non ha tasche (Un linceul n'a pas de poches), regìa ad Jean-Pierre Mocky
1975 - Change pas de main, regìa ad Paul Vecchiali
1976 - Spermula, regìa ad Charles Matton
1976 - Jonas che avrà 20 anni nel 2000 (Jonas qui aura 25 ans en l'an 2000), regìa 'd Alain Tanner
1977 - Il giudice d'assalto (Le juge Fayard dit Le Shériff), regìa 'd Yves Boisset
1978 - Horizonville, regìa 'd Alain Klarer
1979 - A noi due (À nous deux), regìa ad Claude Lelouch
1979 - Corpo a cuore (Corps à coeur), regìa ad Paul Vecchiali
1980 - Rendez-moi ma peau..., regìa ad Patrick Schulmann
1983 - Archipel des amours, regìa ad regìsta difarènt
1983 - En haut des marches, regìa ad Paul Vecchiali
1983 - Poussière d'empire, regìa ad Lâm Lê
1985 - Les nanas, regìa 'd Annick Lanoë
1985 - Terra di nessuno (No Man's Land), regìa 'd Alain Tanner
1985 - Le lacrime di Eros, regìa ad Francesco Brancato
1987 - Una fiamma nel mio cuore (Une flamme dans mon coeur), regìa 'd Alain Tanner
1987 - Résidence surveillée, regìa ad Frédéric Compain
1989 - Radio Corbeau, regìa 'd Yves Boisset
1989 - Blueberry Hill, regìa ad Robbe De Hert
1989 - Le mie notti sono più belle dei vostri giorni (Mes nuits sont plus belles que vos jours), regìa 'd Andrzej Zulawski
1990 - La fille du magicien, regìa dla Claudine Bories
1991 - Adhilai al beida, regìa ad Saïd Ould Khelifa
1992 - Mau Mau, regìa 'd Uwe Schrader
1992 - Video Blues, regìa 'd Árpád Sopsits
1993 - Le journal de Lady M, regìa 'd Alain Tanner
1993 - Cartas desde Huesca, regìa 'd Antonio Artero
1995 - Marie de Nazareth, regìa 'd Jean Delannoy
1995 - Boca a boca, regìa ad Manuel Gómez Pereira
1996 - Black Dju, regìa ad Pol Cruchten
1997 - Retrato de mujer con hombre al fondo, regìa dla Manane Rodríguez
1998 - Spanish Fly, regìa dla Daphna Kastner
1998 - Ça n'empêche pas les sentiments, regìa ad Jean-Pierre Jackson
1998 - Agujetas en el alma, regìa ad Fernando Merinero
1999 - La débandade, regìa ad Claude Berri
2000 - Krámpack, regìa ad Cesc Gay
2002 - Fleurs de sang, regìa dla Myriam Mézières e 'd Alain Tanner
2003 - Tánger, regìa ad Juan Madrid
2004 - Cuídate de mí, regìa ad Javier de la Torre
2009 - Un ajuste de cuentas, regìa dla Manane Rodríguez
2022 - Si loin, si proche 2, regìa 'd Aytl Jensen
2024 - Divino tesoro, regìa ad Fernando Merinero
2025 - Edipo esclavo, regìa ad Fernando Merinero
2025 - Mr. Nadie, regìa ad Miguel Ángel Calvo Buttini
2025 - Emergency Exit, regìa ad Lluís Miñarro

Culegamènt estéran

(IT) Filmugrafìa su 'l IMDb

Àtar prugèt

Wikimedia Commons contiene file multimediali su Myriam Mézières