Muscardèṅ

C'l artìcul chè 'l è scrit in Miranduléś

Muscardèṅ
un muscardèṅ
Dominì: Eukaryota
Rèign: Animalia
Clâd: Glires
Phylum: Chordata
Clâsa: Mammalia
Superórdin: Euarchontoglires
Órdin: Rodentia
Famija: Gliridae
Gènàr: Muscardinus
Sòrta: Muscardinus avellanarius Linnaeus 1758

Al muscardèṅ (nóm sientìfic: Muscardinus avellanarius; moscardino o nocciolino in itagliàṅ) 'l è 'n mamìfar ruśgadōr ch'al fà part dla famìja di Gliridae e ch'al pâr un sórag esénd anc grand cumpàgn.

Al viṿ in Àśia Minōr e in Európa, anc in Itàglia, specialmènt darènt a i bòsc, a i camp ad fruta e a i àlbar dla linsóla, esénd ch'al và mat par cal frut séc lè (da lè al sò nóm) ma anc p'r i cagapùi, al giàndi e gl'insèt piculèṅ.

Descrisiòṅ

Al muscardèṅ al pōl rivàr a èsar lung déś cm, sédas cuntànd anc la cóa. Al mantèl 'l è maròṅ su 'l rós o sinò aràns e śal, in tut al manéri più ciàr in dla part ad sóta. Gl'uréci i èṅ minga tant grandi a 'l cuntràri di òć ch'i èṅ négar.

Quànd a finìs 'l Aṿtòṅ cla bèstia chè la magna dimóndi par métar sù dal gras in dla pansa par 'l Invèran, stagiòṅ in du la và in letàrg arbasànd la batarìa dal cōr e la frequénsa 'd tiràr fiâ, acsè cuma la temperadùra dal còrp. P'r armàgnar più cald al muscardèṅ al ténd a pigàr-as cuma na bòcia.

La fémna la fà i fiōi, da i tri a i sèt, 'd Istâ. I pìcui i nàsan nûd e òrub.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Muscardèṅ
Wikimedia Commons contiene file multimediali su Muscardèṅ