Muśèo edla diòceś ed Chèrp

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Al Muśèo edla diòceś ed Chèrp (Museo diocesano di Carpi in itagliàṅ) l'è 'n muśèo 'd èrt sacra ed Chèrp, ch'la stà dèintr in dla céśa ed Sant Ignàsi in Corso Fanti, in fàcia al cunvèint dal Clarìsi.

La só stòria

Intitolê a 'l cardinèl Rodólfo Pio edla famìja di prìnsip ed Chèrp, al Muśèo 'l avrìva in dal 2008, catènd sù i paramèint sacher e i lavōr artìstic ciśulèr che prìma i stèven dèintr in dal Muśèo cìvic. Al teremòt dal 2012 al fèva sarèr céśa e muśèo per giustèr el crèpi e 'l strutùri infìn a 'l 5 maǵ dal 2019, ch'i psiven avrìr n'ètra volta.

Ōvri tgnudi da cat

La céśa stèsa ed Sant Ignàsi la fà mostra di só paramèint ciśulèr artìstic e del só pitùri, mo al muśèo al dróva soquànt èter spasi in del sagrestìi per fèr vèder dal scultùri in tèra cota dal Quatersèint, di reliquàri dal Sincsèint, i Antifonàri edla Catedrèl, di èter lavór artìstic ciśulèr e dal pitùri dal Sesèint infìn a 'l Otsèint.

La banda ed Chèrp di an Estànta in màrcia davànti a 'l seminàri e a Sant Ignàsi.


Vóś lighèdi

Referèinsi

Colegamèint estèren