Morte a Venezia (film)
|
C'l artìcul chè 'l è scrit in
Miranduléś |
 Morte a Venezia
| ||
.png) Björn Andrésen in na figùra dal film | ||
| Mòrt a Venèsia 1971 | ||
|---|---|---|
| Regìa: Luchino Visconti | ||
| Scritōr: Thomas Mann Nicola Badalucco • Luchino Visconti | ||
| Atōr: Dirk Bogarde • Romolo Valli • Mark Burns Nora Ricci • Björn Andrésen • Silvana Mangano Carole André • Marisa Berenson • Eva Axén Franco Fabrizi • Nicoletta Elmi • Masha Predit | ||
| Müsica: Gustav Mahler • Franz Lehár Modest Petrovič Musorgskij • Ludwig van Beethoven | ||
| Léngua: Itagliàṅ • Ingléś • Tedésc Pulàc • Francéś • Rus | ||
| Dürä dal film: 130 minüt | ||
| Nasiōṅ: Itàglia • Frància • Stat Unî | ||
Morte a Venezia (Mòrt a Venèsia) 'l è 'n film dramàtic dal 1971 ad Luchino Visconti trat da 'n rumànś ad Thomas Mann. 'L è stâ preśentâ in cuncōrs a 'l 24śum Fèstival ad Cannes e 'l è stâ candidâ a i Prèmi Òscar dal 1972 p'r i custùm ad Piero Tosi.
Sunt
Al cumpuśidōr Gustav von Aschenbach (Dirk Bogarde) 'l è a Venèsia par na vacànsa insém a 'l sò amìg Alfred (Mark Burns). Al diretōr d'l Hotel des Bains (Romolo Valli) al gh'à dâ na cambra in dla sò strutùra.
Gustav 'l è in là c'n i an e 'l gh'à di prubléma 'd salùt a 'l cōr. Méntar 'l è drē a spetàr la séna, al muśicìsta al buta 'l òć su 'n grup ad turìsta pulàc e su 'n śuvnòt biónd in particulàr, Tadzio (Björn Andrésen), ch'l è lè insém a sò màdar (Silvana Mangano) e a sò surèla più granda (Eva Axén). Al ragàs 'l è dimóndi bèl e Gustav al taca a pasàr al sò tèmp a gurdàr-al. In cal mént'r al s tinś i cavìi par sembràr più śōvan.
In sità a gh'è n'epidemìa 'd coléro ma cla nutìsia lè l'è tgnuda quaciàda parchè la stagiòṅ turìstica l'è péna tacàda.