Mora Rumagnòla

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

La Mora Rumagnòla (Mora Romagnola in itagliàn) l'è ùna dal rasi di nimêl ch'la deśvìn dala Rumàgna e incòr incō la s tira sù sìa in Rumàgna mo pò in soquànt èt'r alevamèint stremnê tra l'Emìglia e 'l Piemòunt, la Tuscàna e la Canpàggna.
L'è na rasa ch'la s catèva da 'l perti dla Rumàgna già da dimòndi tèimp, mo la s era quèśi estìnta in di tèimp dintór'n ai an 'Novànta, salvèda p'r al ròt edla scùfia da 'n sōl alevamèint ed soquanti bésti, po' fati acupièr c'ma Dio 'l gh'cmànda, studiènd apósta che la rasa la n'gh'ìs mìa da sparìr. Incō, se Dio 'l vōl, la só rasa l'è chersùda 'd nùmer, ch'i gh'l àn cavèda 'd tōr-la luntàṅ dal perìcol 'd estinsiòun.

El só caraterìstichi

'L è 'n nimêl pregê perché 'l gh'à na chèrna dimòndi savurìda, tendra e sustgnùda, ch'a s prepèra di bòun culatē e dal spàli.
Al gh'à la códga scura 'd lung a la schina e 'l , mo cèra sòt'ala panza e in dal laśèini, cun dal sédli scuri in dal nimêl grand, mo ròsi in di ninèt.
Al gh'à i ôć a màndorla, che in di nimêl 'l è 'n quêl mìa frequèint. La rója la mèt a 'l mònd 7 ninèin per volta in na séri 'd 5 o 7 pêrt in tùta la só vìta, latènd-i dimòndi. La femna l'è 'n pò più élta dal masć e i só pēś mèdiamèint egl'ìn dintór'n ai 250-300 kìlo.

Vóś lighèdi

Colegamèint estèren

  • (IT) Al sît dedichê interamèint a cla rasa chè.
  • (IT) La ràsa descrìta ind un sît 'd agrària in ligna.
  • (IT) El reghli per sernìr el rasi di nimêl scrìti in dal 2015 dal Ministēr dal pulìtichi agro-alimentèri e forestèli.

Referèinsi