Montréal
|
C'l artìcul chè 'l è scrit in
Miranduléś |
.jpg)
Montréal (a s lèś /mɔ̃ʁeal/ in francéś) l'è na sità ad dagnóra un migliòṅ e òt 'd abitànt dal sud-èst dal Cànada ch'la s cata in dla pruìnsa francófuna dal Quebec. La ciàpa 'l nóm da 'l Mònt Reàł, la muntàgna a tri punti lè darènt in dua in dal 1642 i èṅ stâ tirâ sù i sò prim insediamènt.
La sità la s cata su 'l arsipélag Hochelaga, un grup 'd ìśuli in dal mèś di àqui in dua i s incróś'n i fium Ottawa e San Lurèns. Qvéla più granda l'è l'Ìśula 'd Montréal. L'è divìśa in daśnóṿ distrét grand e 'l sò clima 'l è cuntinentàł ùmid.
Al sò PIL 'l è 'l secónd dal Cànada, esénd 'n impurtànt sèntar p'r al cumèrs, la finànsa, l'indùstria, le tecnulugìa e la cultùra.
La sò sìndiga, da 'l 2017, l'è la Valérie Plante dal partî indipendènt Projet Montréal.
Persunàǵ ligâ a Montréal
- Françoise Abanda, tenìsta
- Melissa Sue Anderson , atōra
- Melissa Auf der Maur, sunadōra di Smashing Pumpkins e di The Hole
- Eugenie Bouchard, tenìsta
- Geneviève Bujold, atōra
- Leonard Cohen, puéta e cantànt
- Celine Dion, cantànta
- Greg Rusedski, tenìsta
- Lance Stroll, pilòta 'd fórmula òṅ
- Lucille Teasdale-Corti, misiunària
- Justin Trudeau, pulìtig
- Pierre Trudeau, pulìtig
- Gilles Villeneuve, pilòta 'd fórmula òṅ
- Jacques Villeneuve, pilòta 'd fórmula òṅ
- Aleksandra Wozniak, tenìsta