Montpelier (Vermònt)
|
C'l artìcul chè 'l è scrit in
Miranduléś |
Montpelier (a s lèś /mɒntˈpiːliər/ in ingléś) l'è na sità di Stat Unî ad 7.855 abitànt, in dla cuntèa 'd Washington. L'è la capitàł dal stat dal Vermònt, la più pìcula di Stat Unî, anc se durànt al dè la crés in fiṅ a vint-i-òṅ mila a séguit di spustamènt par lavōr.
La sità l'è na ròca-fòrt di demucràtic tant ch'in di elesiòṅ presidensiàli americàni dal 2020 Joe Biden 'l à ciapâ chè 'l 88% di vōt cóntar 'l 8% ad Donald Trump. La sò sìndiga, da 'l 2018, l'è l'indipendènta Anne Watson.