Mlòṅ
|
C'l artìcul chè 'l è scrit in
Miranduléś |
Al mlòṅ (Cucumis melo - melone o popone in itagliàṅ) l'è na piànta dla famìja di Cucurbitaceae ch'la ténd a pugiàr-'s e a tacàr-'s a dal strutùri verticàli lè darènt (cuma ramàdi o mur) o a di atri piànti. C'n al stés nóm a s ciàma anc al sò frut, ch'l è 'd culōr aràns o śal, dōls, téndar, parfumâ e ric 'd àqua ch'al cava la sē. In dal mèś a gh'è 'l sò rumlìni.
'L è uriginàri dl'Àsia e dl'Àfrica trupicàla. Da 'l nòstri bandi a 'l s magna da spés insém a 'l parsùt o frésc 'd Istâ quànd a fà dimóndi cald.
I paéś ch'i in prudùśan da piò a 'l mónd i èṅ la Cina, la Turchìa e 'l Iràn.
Pruvèrbi e manéri 'd dir
- (EGL) Pèrśag, fîg e mlòṅ, tut a la sò stagiòṅ: A vōl dir ch'a gh'è 'n tèmp spesìfic par tut.