Miriam Giovanelli
|
C'l artìcul chè 'l è scrit in
Miranduléś |
.jpg)
La Miriam Giovanelli (Róma, 28 'd Avrìl dal 1989) l'è na atōra itagliàna naturaliśàda spagnōla esénd sò màd'r ad là.
Dòp 'n inìsi da mudèla, la Miriam la s davśìna a 'l mónd dal cìnema a gl'inìsi di an Dumìla girànd soquànt telefìlm in Spaggna, in du l'éra andàda a vìv'r a déś an, e pò pelìculi cuma Miguel y William (2007), cun Will Kemp e la Geraldine Chaplin, e Grosse bugie (2009).
Turnàda in Itàglia la gh'à la manéra 'd lauràr cun Matteo Rovere in dal drama Gli sfiorati, insém a Andrea Bosca e Claudio Santamaria, cun Dario Argento, ch'al la sarnìs p'r al film ad scarésa Dracula 3D, cun Enrico Lando, ch'al gh fà far la part dla Perla Madonna in I 2 soliti idioti, e cun Saverio Di Biagio ch'al gh dà 'n rōl da prutagunìsta in La ragazza dei miei sogni (2017) a fiànc ad Primo Reggiani, Nicolas Vaporidis e Remo Girone.
A l'arcurdém anc p'r al série televiśìvi Fisica o chimica, Il tredicesimo apostolo: La rivelazione e Velvet, in di pagn dla Patricia Màrquez Campos.