Miriam Byrd-Nethery
|
C'l artìcul chè 'l è scrit in
Miranduléś |
La Miriam Byrd-Nethery (Lewisville, 17 ad Maǵ dal 1929 - Los Angeles, 6 ad Śnar dal 2003) l'è stada n'atōra americàna.
A 'l cìnema l'à tacâ a lauràr tard, a quarànta-sèt an, faghénd la part dla mujēr 'd un cuntadèṅ in dal catastròfic tut da rìdar Il fantabus (1976). In séguit la s è fata cgnósar specialmènt p'r i sò film ad scarésa cuma Il villaggio delle streghe (1987), a fiànc ad Vincent Price, Non aprite quella porta - Parte 3 (1990), insém a Viggo Mortensen, e Il patrigno II, tut tri cun la regìa ad Jeff Burr.
L'à laurâ da spés anc in televiśiòṅ, recitànd in soquànti puntàdi di telefìlm Starsky & Hutch, Alice, Charlie's Angels, Professione pericolo, Il brivido dell'imprevisto, Autostop per il cielo e àt'r incóra.
L'éra spuśàda cun 'l atōr Clu Gulager. L'è mòrta a stanta-tri an p'r cànc'r a 'l sarvèl ch'al gh'iva bèla fat pèrdar la vista da 'n òć.
Filmugrafìa
- 1976 - Il fantabus (The Big Bus), regìa ad James Frawley
- 1976 - Questa terra è la mia terra (Bound for Glory), regìa 'd Hal Ashby
- 1976 - La lunga notte di Entebbe (Victory at Entebbe), regìa ad Marvin J. Chomsky - Film TV
- 1976 - Vecchia America (Nickelodeon), regìa ad Peter Bogdanovich
- 1977 - Deadly Game, regìa ad Lane Slate - Film TV
- 1978 - Just Me and You, regìa ad John Erman - Film TV
- 1978 - Cowboy D'acciaio (Steel Cowboy), regìa 'd Harvey S. Laidman - Film TV
- 1979 - Like Normal People, regìa 'd Harvey Hart - Film TV
- 1979 - Amicizie: segreti e menzogne (Friendships, Secrets and Lies), regìa dla Marlene Laird e dl'Ann Zane Shanks - Film TV
- 1981 - Storia di Owen (Angel Dusted), regìa ad Dick Lowry - Film TV
- 1983 - Omicidio in 35mm (Lies), regìa ad Jim Wheat e 'd Ken Wheat
- 1987 - Bobo, vita da cani (Walk Like a Man), regìa ad Melvin Frank
- 1987 - Brivido d'estate (Summer Heat), regìa ad Michie Gleason
- 1987 - Il villaggio delle streghe (From a Whisper to a Scream), regìa ad Jeff Burr
- 1987 - Act II, regìa ad Tom Patchett - Film TV
- 1989 - Il patrigno II (Stepfather II), regìa ad Jeff Burr
- 1990 - Non aprite quella porta - Parte 3 (Leatherface: Texas Chainsaw Massacre III), regìa ad Jeff Burr
- 1990 - Across Five Aprils, regìa ad Kevin Meyer
- 1990 - Dan Turner, Hollywood Detective, regìa ad Christopher Lewis
- 1993 - Il giorno del sacrificio (In the Line of Duty: Ambush in Waco), regìa ad Dick Lowry