Mireille Darc

C'l artìcul chè 'l è scrit in Miranduléś

La Mireille Christiane Gabrielle Aimée Aigroz, cgnusùda méj cuma Mireille Darc (Tulòṅ, 15 ad Maǵ dal 1938 - Parì, 28 'd Agóst dal 2017, a s lèś [miʁɛj daʁk] in francéś) l'è stada n'atōra e regìsta francéśa.

Biugrafìa

Dòp avēr studiâ a 'l cunservatòri 'd art dramàtica, in dal 1959 la và a star a Parì par lauràr da mudèla e par studiàr recitasiòṅ. A 'l inìsi di an Ssanta la taca a cumparìr in soquànt film, faghénd dal parti piculìni in pelìculi cuma Le distrazioni (1960), cun prutagunìsta Jean-Paul Belmondo, A briglia sciolta (1961), cun la Brigitte Bardot, e Le tentazioni quotidiane cun Charles Aznavour.

Al sò prim rōl impurtànt a riva in dal 1963 quànd la fà la fiōla 'd Louis de Funès in dla cumèdia I tre affari del signor Duval ma i cuć definitìṿ a la sò caréra i rìv'n in dal 1965 cun la part dla prutagunìsta in Galia, in dua la lavóra par la secónda vòlta c'n al regìsta Georges Lautner ch'al la vurà sèg trédas vòlti, e in dal 1966 c'n al pulisiésc Rififi internazionale cun prutagunìsta Jean Gabin. Sèmp'r in chi an lè a l'arcurdém par la cumèdia Caccia al maschio cun Jean-Paul Belmondo e la Catherine Deneuve.

Dòp na part pìcula in dal film ad spiunàǵ James Bond 007 - Casino Royale, in un cast impinî ad stéli cuma David Niven, Peter Sellers, l'Ursula Andress, Orson Welles, John Huston, William Holden, Woody Allen, la Deborah Kerr, Jean-Paul Belmondo, la Barbara Bouchet e la Jacqueline Bisset, a l'ém vista in dal drama Week-end, un uomo e una donna dal sabato alla domenica ad Jean Luc Godard in dua l'à fat na mujēr ch'la s dà a 'l canibalìśum.

Su 'l set dal film Addio Jeff! (1969), la Darc la s inamóra 'd Alain Delon, tacànd na relasiòṅ sentimentàla e 'd lavōr sèg, tgnénd-'g adrē in dal pelìculi Borsalino (1970), Borsalino and Co. (1974), Esecutore oltre la legge (1974) e Per la pelle di un poliziotto (1981).

A 'l inìsi di an Utànta la sò caréra la s è andàda a śmursàr anc par via d'n incidènt in màchina ch'al l'à custréta a n'uperasiòṅ a cōr avèrt. Fra i sò àtar lavōr più impurtànt a 'rcurdém al cumèdi La signora non si deve uccidere (1967), Lei non fuma, lei non beve, ma... (1970), cun l'Annie Girardot, Il rompiballe... rompe ancora (1971), cun prutagunìsta Lino Ventura, Alto, biondo e... con una scarpa nera (1972) e 'l sò séguit Il grande biondo (1974), girâ insém a 'l còmig Pierre Richard, ólt'r a 'l drama Viaggio di paura (1977) girâ in còpia cun Jean-Louis Trintignant.

Ligàda da 'l 1968 a 'l 1983 a 'l culéga Alain Delon, in séguit la gh'à abû na stòria c'n al giurnalìsta Pierre Barret e pò cun 'l architét Pascal Desprez ch'l'à spuśâ in dal 1996. In dal 2005 l'à fat vgnir fóra la sò auto-biugrafìa da 'l tìtul Tant que battra mon coeur (In fiṅ tant ch'a batrà al mè cōr) méntar 'l an dòp al presidènt Jacques Chirac al gh'à dâ la Legiòṅ 'd Unōr. L'è mòrta a stanta-nóṿ an dòp èsar finìda in còma.

Filmugrafìa

cuma atōra

1960 - Le distrazioni (Les Distractions), regìa ad Jacques Dupont
1961 - A briglia sciolta (La bride sur le cou), regìa ad Jean Aurel
1961 - Mourir d'amour, regìa ad Dany Fog
1961 - Les Nouveaux Aristocrates, regìa ad Jacques Rigaud
1961 - ¿Pena de muerte?, regìa ad Josep Maria Forn
1962 - Le tentazioni quotidiane (Le diable et les dix commandements), regìa ad Julien Duvivier
1962 - Virginie, regìa ad Jean Boyer
1963 - I fortunati (Les veinards), regìa ad Jean Girault
1963 - I tre affari del signor Duval (Pouic-Pouic), regìa ad Jean Girault
1964 - Intrigo a Parigi (Monsieur), regìa ad Jean-Paul Le Chanois
1964 - 7-9-18 da Parigi un cadavere per Rocky (Des pissenlits par la racine), regìa ad Georges Lautner
1964 - Les Durs à cuire ou Comment supprimer son prochain sans perdre l'appétit, regìa ad Jacques Pinoteau
1964 - Caccia al maschio (La Chasse à l'homme), regìa 'd Édouard Molinaro
1964 - Quattro spie sotto il letto (Les Barbouzes), regìa ad Georges Lautner
1965 - Per favore, chiudete le persiane (Les Bon vivants), regìa ad Georges Lautner
1966 - Galia, regìa ad Georges Lautner
1966 - Rififi internazionale (Du rififi à Paname), regìa ad Denys de La Patellière
1966 - Baleari operazione Oro (Zarabanda Bing Bing), regìa ad José Marìa Forqué
1966 - Licenza di esplodere (Ne nous fâchons pas), regìa ad Georges Lautner
1966 - Vicky... Cover Girl (À belles dents), regìa ad Pierre Gaspard-Huit
1967 - Femmina (La grande sauterelle), regìa ad Georges Lautner
1967 - James Bond 007 - Casino Royale (Casino Royale), regìa ad John Huston, Ken Hughes, Val Guest, Robert Parrish e Joseph McGrath
1967 - La bionda di Pechino (La Blonde de Pékin), regìa ad Nicolas Gessner
1967 - La signora non si deve uccidere (Fleur d'oseille), regìa ad Georges Lautner
1967 - Week-end, un uomo e una donna dal sabato alla domenica (Week End), regìa ad Jean-Luc Godard
1968 - Summit, regìa ad Giorgio Bontempi
1969 - Addio Jeff! (Jeff), regìa ad Jean Herman
1969 - Quei temerari sulle loro pazze, scatenate, scalcinate carriole (Monte Carlo or Bust!), regìa ad Ken Annakin
1970 - Borsalino, regìa ad Jacques Deray
1970 - Lei non fuma, lei non beve, ma... (Elle boit pas, elle fume pas, elle drague pas, mais... elle cause!), regìa ad Michel Audiard
1970 - Madly, il piacere dell'uomo (Madly), regìa ad Roger Kahane
1971 - Il rompiballe... rompe ancora (Fantasia chez les ploucs), regìa ad Gérard Pirès
1971 - Tre canaglie e un piedipiatti (Laisse aller... c'est une valse), regìa ad Georges Lautner
1972 - L'humeur vagabonde, regìa 'd Édouard Luntz
1972 - C'era una volta un commissario... (Il était une fois un flic), regìa ad Georges Lautner
1972 - Alto, biondo e... con una scarpa nera (Le Grand Blond avec une chaussure noire), regìa 'd Yves Robert
1973 - Non c'è fumo senza fuoco (Il n'y a pas de fumée sans feu), regìa 'd André Cayatte
1973 - Hai mai provato... in una valigia? (La Valise), regìa ad Georges Lautner
1974 - O.K. patron, regìa ad Claude Vital
1974 - Esecutore oltre la legge (Les Seins de glace), regìa ad Georges Lautner
1974 - Borsalino and Co., non accreditata, regìa ad Jacques Deray
1974 - Con mia moglie è tutta un'altra cosa (Dis-moi que tu m'aimes), regìa ad Michel Boisrond
1974 - Il grande biondo (Le Retour du Grand Blond), regìa 'd Yves Robert
1975 - La ragazza di madame Claude (Le Téléphone rose), regìa 'd Edouard Molinaro
1976 - Caccia al montone (L'Ordinateur des pompes funèbres), regìa ad Gérard Pirès
1977 - Viaggio di paura (Les Passagers), regìa ad Serge Leroy
1977 - L'ultimo giorno d'amore (L'Homme pressé), regìa 'd Edouard Molinaro
1977 - Morte di una carogna (Mort d'un pourri), regìa ad Georges Lautner
1978 - Les Ringards, regìa ad Robert Pouret
1981 - Per la pelle di un poliziotto (Pour la peau d'un flic), regìa 'd Alain Delon
1982 - Jamais avant le mariage, regìa ad Daniel Ceccaldi
1983 - L'estate dei nostri quindici anni (L'Été de nos quinze ans), regìa ad Marcel Jullian
1983 - Si elle dit oui... je ne dis pas non, regìa ad Claude Vital
1984 - Réveillon chez Bob, regìa ad Denys Granier-Deferre
1987 - La Vie dissolue de Gérard Floque, regìa ad Georges Lautner

cuma regìsta

1989 - La barbare
2011 - Pas sur la bouche - Ducumentàri par la TV

Culegamènt estéran

Àtar prugèt

Wikimedia Commons contiene file multimediali su Mireille Darc