Mila Kunis

C'l artìcul chè 'l è scrit in Miranduléś

La Miléna Márkovna Kúnis, cgnusùda méj cuma Mila Kunis (Černivci, 14 'd Agóst dal 1983, a s lèś [ˈmiːlə ˈkuːnɪs] in ingléś), l'è n'atōra americàna nada in Ucraìna quànd incóra la fava part dl'Ugnòṅ Suviética. A òt an l'è andàda a star a Los Angeles.

L'à fat al sò debùt cuma atōra a la mità di an Nuànta tulénd part a dó puntàdi dal telefìlm Baywatch e a 'n epiśòdi 'd Il tempo della nostra vita par pò catàr spasi in dal film par la televiśiòṅ Piranha - La morte viene dall'acqua. In séguit a l'ém vista in dla cumèdia Tesoro, ci siamo ristretti anche noi (1997) e in di film ad scarésa Milo (1998) e American Psycho 2 (2002), qvést chè in dla part dla prutagunìsta ciamàda Rachel. In dal 2001 l'à recitâ in dal vìddeo Jaded di Aerosmith.

In chi an lè la gira anc al cumèdi After Sex - Dopo il sesso (2007), in du la fà còpia cun la Zoe Saldana, e Non mi scaricare (2008), a fiànc ad Jason Segel e dla Kristen Bell. In dal 2008 la lavóra insém a Mark Wahlberg in dal film Max Payne, òvra trata da 'n śōg vìddeo ad sucès, mént'r in dal 2010 l'è in dal cast dla pelìcula 'd asiòṅ Codice Genesi cun Denzel Washington e Gary Oldman.

La cata 'l sucès in dal 2010 faghénd la part dla balarìna antagunìsta dla Natalie Portman, l'arvèrsa Lily, in dal thriller Il cigno nero, rōl ch'al gh fruta na candidadùra a i Golden Globe. 'L an dòp l'è prutagunìsta dla cumèdia sentimentàla Amici di letto, a fiànc ad Justin Timberlake, e pò in dal 2012 dla cumèdia Ted.

Fra i sò ùltim lavōr a psém nutàr al cumèdi Bad Moms: Mamme molto cattive (2016), cun la Kristen Bell, e Il tuo ex non muore mai (2018) in dla part dna caséra 'd Los Angeles ch'la vîṅ a savēr ch'al sò èx muróś Justin Theroux 'l éra na spia dla CIA.

Dòp na relasiòṅ ad déś an cun Macaulay Culkin, da 'l 2012 l'è ligàda a 'l atōr Ashton Kutcher ch'l'à spuśâ in dal luj dal 2015. Insém i gh'aṅ dū fiōi.

Filmugrafìa

1995 - Piranha - La morte viene dall'acqua (Piranha), regìa ad Scott P. Levy – Film TV
1996 - Forza Babbo Natale (Santa with Muscles), regìa ad John Murlowski
1997 - Tesoro, ci siamo ristretti anche noi (Honey, We Shrunk Ourselves), regìa ad Dean Cundey
1998 - Gia - Una donna oltre ogni limite (Gia), regìa ad Michael Cristofer – Film TV
1998 - Cercasi tribù disperatamente (Krippendorf's Tribe), regìa ad Todd Holland
1998 - Milo, regìa ad Pascal Franchot
2001 - Get Over It, regìa ad Tommy O'Haver
2002 - American Psycho 2, regìa ad Morgan J. Freeman
2004 - Tony n' Tina's Wedding, regìa ad Roger Paradiso
2005 - Tom 51, regìa ad Ron Carlson
2007 - After Sex - Dopo il sesso (After Sex), regìa 'd Eric Amadio
2007 - Moving McAllister, regìa 'd Andrew Black
2007 - Boot Camp, regìa ad Christian Duguay
2008 - Non mi scaricare (Forgetting Sarah Marshall), regìa ad Nicholas Stoller
2008 - Max Payne, regìa ad John Moore
2009 - Tom Cool, regìa ad Ron Carlson
2009 - Extract, regìa ad Mike Judge
2010 - Codice Genesi (The Book of Eli), regìa 'd Albert e Allen Hughes
2010 - Notte folle a Manhattan (Date Night), regìa ad Shawn Levy
2010 - Il cigno nero (Black Swan), regìa ad Darren Aronofsky
2011 - Amici di letto (Friends with Benefits), regìa ad Will Gluck
2012 - Ted, regìa ad Seth MacFarlane
2012 - Tar, regìa ad regìsta difarènt
2013 - Il grande e potente Oz (Oz: The Great and Powerful), regìa ad Sam Raimi
2013 - Blood Ties - La legge del sangue (Blood Ties), regìa ad Guillaume Canet
2013 - Third Person, regìa ad Paul Haggis
2014 - Annie - La felicità è contagiosa (Annie), regìa ad Will Gluck
2014 - 90 minuti a New York (The Angriest Man in Brooklyn), regìa ad Phil Alden Robinson
2015 - Jupiter - Il destino dell'universo (Jupiter Ascending), regìa dla Lana e Andy Wachowski
2016 - Bad Moms - Mamme molto cattive (Bad Moms), regìa ad Jon Lucas e Scott Moore
2017 - Bad Moms 2 - Mamme molto più cattive (A Bad Moms Christmas), regìa ad Jon Lucas e Scott Moore
2018 - Il tuo ex non muore mai (The Spy Who Dumped Me), regìa dla Susanna Fogel
2020 - Quattro buone giornate (Four Good Days), regìa ad Rodrigo García
2021 - Breaking News a Yuba County (Breaking News in Yuba County), regìa ad Tate Taylor
2022 - La ragazza più fortunata del mondo (Luckiest Girl Alive), regìa ad Mike Barker
2024 - Il padre dell'anno (Goodrich), regìa dl'Hallie Meyers-Shyer
2025 - Wake Up Dead Man: Knives Out (Wake Up Dead Man: A Knives Out Mystery), regìa ad Rian Johnson

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Mila Kunis