Michael Keaton

C'l artìcul chè 'l è scrit in Miranduléś

Michael John Douglas, cgnusû méj cuma Michael Keaton (Kennedy, 5 ad Setémbar dal 1951, a s lèś [ˈmaɪkəl ˈkitn] in ingléś), 'l è 'n atōr e regìsta americàṅ, candidâ a 'l Prèmi Òscar cuma atōr prutagunìsta in dal 2015 par la cumèdia dramàtica Birdman, giràda insém a Edward Norton, l'Emma Stone e la Naomi Watts. In dla lista di sò prèmi vins a gh'è anc dū Golden Globe, sèmpar par Birdman e par Dopesick - Dichiarazione di dipendenza, minisérie televiśìva fata in còpia cun Peter Sarsgaard. Al gh'à na stéla in dla Hollywood Walk of Fame.

In dla sò caréra, tacàda a la fîṅ di an Stanta in dua 'l à catâ spasi in soquànt telefìlm cuma All's Fair, Maude, L'impareggiabile giudice Franklin e In casa Lawrence, 'l è rivâ a 'l sucès girànd tri film in particulàr: Beetlejuice - Spiritello porcello (1988), a fiànc dla Winona Ryder, 'd Alec Baldwin e dla Geena Davis, e Batman (1989) e Batman - Il ritorno (1992), in dua in di pagn ad Batman 'l à cumbatû di nemìg cuma Jack Nicholson, Danny DeVito e la Michelle Pfeiffer. A s trata 'd tri lavōr ad Tim Burton, regìsta ch'al 'l à dirèt da spés in dal sò òvri acsè cuma Ron Howard ch'al 'l à vlû in Night Shift - Turno di notte, Gung Ho e Cronisti d'assalto.

A 'l arcurdém anc p'r al thriller Uno sconosciuto alla porta (1990), in dla part dal manìag ch'al dà adòs a la còpia Melanie Griffith/Matthew Modine, e par la cumèdia Molto rumore per nulla (1993), a fiànc ad Kenneth Branagh e dl'Emma Thompson, prima di sò strabùc flop masa-caréri Mi sdoppio in 4 (1996), Soluzione estrema (1998) e Jack Frost (1998).

Dòp ès'r-as tirâ sù c'n al sucès ad Birdman, a 'l ém vist in dal biugràfic premiâ cun 'l Academy Award Il caso Spotlight (2015), insém a Mark Ruffalo, la Rachel McAdams e Liev Schreiber, Spider-Man: Homecoming (2017) e Morbius (2022), in di pagn dal catìv Śgrifòṅ, Dumbo (2019), in còpia cun Colin Farrell, e Beetlejuice Beetlejuice (2024), pelìcula cun la Winona Ryder, la Monica Bellucci e Willem Dafoe.

In dal 2023 'l à dirèt al thriller cun Al Pacino La memoria dell'assassino, la sò secónda fadìga da regìsta dòp The Merry Gentleman dal 2008. Cuma prudutōr 'l à invéci laurâ a 'l pelìculi Body Shots (1999) e L'ultima occasione (2006).

Keaton 'l è stâ spuśâ da 'l 1982 a 'l 1990 cun la culéga Caroline McWilliams, màdar dal sò fiōl Sean. Da 'l 1988 a 'l 1995 al gh'à abû na relasiòṅ cun l'atōra Courteney Cox.

Filmugrafìa

cuma atōr

1977 - Klein Time, regìa ad Don Mischer – Film TV
1978 - Rabbit Test, regìa ad Joan Rivers
1982 - Night Shift - Turno di notte (Night Shift), regìa ad Ron Howard
1983 - Mister mamma (Mr. Mom), regìa ad Stan Dragoti
1984 - Pericolosamente Johnny (Johnny Dangerously), regìa dl'Amy Heckerling
1986 - Gung Ho, regìa ad Ron Howard
1986 - Un tocco di velluto (Touch and Go), regìa ad Robert Mandel
1987 - La scatola misteriosa (The Squeeze), regìa ad Roger Young
1988 - Beetlejuice - Spiritello porcello (Beetlejuice), regìa ad Tim Burton
1988 - Un amore rinnovato (She's Having a Baby), regìa ad John Hughes
1988 - Fuori dal tunnel (Clean and Sober), regìa ad Glenn Gordon Caron
1989 - 4 pazzi in libertà (The Dream Team), regìa 'd Howard Zieff
1989 - Batman, regìa ad Tim Burton
1990 - Uno sconosciuto alla porta (Pacific Heights), regìa ad John Schlesinger
1991 - La giustizia di un uomo (One Good Cop), regìa 'd Heywood Gould
1992 - Batman - Il ritorno (Batman Returns), regìa ad Tim Burton
1993 - Molto rumore per nulla (Much Ado About Nothing), regìa ad Kenneth Branagh
1993 - My Life - Questa mia vita (My Life), regìa ad Bruce Joel Rubin
1994 - Cronisti d'assalto (The Paper), regìa ad Ron Howard
1994 - Ciao Julia, sono Kevin (Speechless), regìa ad Ron Underwood
1996 - Mi sdoppio in 4 (Multiplicity), regìa 'd Harold Ramis
1997 - Jackie Brown, regìa ad Quentin Tarantino
1998 - Soluzione estrema (Desperate Measures), regìa ad Barbet Schroeder
1998 - Out of Sight, regìa ad Steven Soderbergh
1998 - Jack Frost, regìa ad Troy Miller
2000 - Sfida per la vittoria (A Shot at Glory), regìa ad Michael Corrente
2002 - Live from Baghdad, regìa ad Mick Jackson – Film TV
2003 - Quicksand - Accusato di omicidio (Quicksand), regìa ad John Mackenzie
2004 - Una teenager alla Casa Bianca (First Daughter), regìa ad Forest Whitaker
2005 - White Noise - Non ascoltate (White Noise), regìa ad Geoffrey Sax
2005 - Game 6, regìa ad Michael Hoffman
2005 - Herbie - Il super Maggiolino (Herbie Fully Loaded), regìa dl'Angela Robinson
2006 - L'ultima occasione (The Last Time), regìa ad Michael Caleo
2008 - The Merry Gentleman, regìa ad Michael Keaton
2008 - Tenacious D: The Complete Masterworks 2, regìa ad regìsta difarènt
2009 - Laureata... e adesso? (Post Grad), regìa dla Vicky Jenson
2010 - I poliziotti di riserva (The Other Guys), regìa 'd Adam McKay
2013 - Le idee esplosive di Nathan Flomm (Clear History), regìa ad Greg Mottola – Film TV
2013 - Sola nel buio (Penthouse North), regìa ad Joseph Ruben
2014 - RoboCop, regìa ad José Padilha
2014 - Need for Speed, regìa ad Scott Waugh
2014 - Birdman, regìa 'd Alejandro González Iñárritu
2015 - Il caso Spotlight (Spotlight), regìa ad Tom McCarthy
2016 - The Founder, regìa ad John Lee Hancock
2017 - Spider-Man: Homecoming, regìa ad Jon Watts
2017 - American Assassin, regìa ad Michael Cuesta
2019 - Dumbo, regìa ad Tim Burton
2020 - Worth - Il patto (Worth) (What Is Life Worth), regìa dla Sara Colangelo
2020 - Il processo ai Chicago 7 (The Trial of the Chicago 7), regìa 'd Aaron Sorkin
2021 - The Protégé, regìa ad Martin Campbell
2022 - Morbius, regìa ad Daniel Espinosa
2023 - The Flash, regìa 'd Andy Muschietti
2023 - La memoria dell'assassino (Knox Goes Away), regìa ad Michael Keaton
2024 - Beetlejuice Beetlejuice, regìa ad Tim Burton
2024 - Il padre dell'anno (Goodrich), regìa dl'Hallie Meyers-Shyer

cuma regìsta

2008 - The Merry Gentleman
2023 - La memoria dell'assassino (Knox Goes Away)

Culegamènt estéran

Àtar prugèt

Wikiquote contiene citazioni di o su Michael Keaton
Wikimedia Commons contiene file multimediali su Michael Keaton