Melbourne

C'l artìcul chè 'l è scrit in Miranduléś

Melbourne (a s lèś [ˈmɛlbərn] in Ingléś) l'è na sità dl'Austràglia, capitàl dal stat ad Victoria. La s cata in dal sud-èst dal paéś e la gh'à sinc migliòṅ e tri 'd abitànt, al più grand sèntar dòp Sydney.

L'è cgnusùda cuma “sità giardèṅ” o cuma la capitàl culturàl dl'Austràglia tant 'd èsar stada numidàda “Sità leterària” da 'l UNESCO. Al giurnàł The Economist al l'à batśàda par sèt an ad fila cuma la sità in du a s viṿ méj.

Al sò clima 'l è uceànic e 'l tèmp al pōl cambiàr in présia durànt al dè. Al méś più cald d'l an 'l è Śnar in dua a s pasa in média da na temperadùra màsima 'd 25,9° durànt al dè a i 14,3° dla nòt. Luj 'l è invéci al perìud più fréd esénd ch'a s pasa da 13,4° dal dè a i 6,0° dla nòt.

Fra 'l bèsti ch'i s pōlan catàr chè a 'rcurdém al cacatùa, al papagàl Platycercus, al lurichét arc celèst e 'l pinguîṅ minōr blù ma anc sórag, vólp, papastrèi e clómb.

In Śnar a Melbourne tut i an da 'l 1905 a gh'è òṅ di quàtar turnèo Slam più impurtànt dal tènis: gl'Australian Open. Da 'l 1996 a gh'è anc na cursa 'd Fórmula Òṅ, a 'l intèran d'l Albert Park

Persunàǵ ligâ a Melbourne

Pat Cash, tenìsta vinsidōr ad Wimbledon
Mark Philippoussis, tenìsta finalìsta Slam par dū vòlti
Peter McNamara, tenìsta
Paul McNamee, tenìsta
Laura Robson, tenìsta
Rupert Murdoch, editōr e imprendidōr
Eric Bana, atōr
Chris Hemsworth, atōr
Cate Blanchett, atōra
Portia de Rossi, atōra
Holly Valance, cantànta e atōra
Kylie Minogue, cantànta
Flea, basìsta di Red Hot Chili Peppers
Richard Franklin, regìsta ad Psycho II
Alan Jones, pilòta 'd Fórmula Òṅ, vinsidōr dal tìtul dal 1980
Oscar Piastri, pilòta 'd Fórmula Òṅ

Culegamènt estéran

(EN) Al sit ufisiàł dla sità