Melanie Griffith
|
C'l artìcul chè 'l è scrit in
Miranduléś |
.jpg)
La Melanie Richards Griffith (New York, 9 'd Agóst dal 1957) l'è n'atōra americàna, candidàda a i Prèmi Òscar dal 1989 cuma atōra prutagunìsta p'r al film Una donna in carriera.
L'è la màdar dl'atōra Dakota Johnson, abùda da 'l sò prim marè Don Johnson.
Biugrafìa
[mudéfica la surzéia]Fiōla 'd art, sò màdar l'éra la Tippi Hedren méntar sò pàdar Peter 'l éra atōr a teàtar, la Melanie la fà 'l debùt a 'l cìnema da pìcula cun la pelìcula Smith, un cowboy per gli indiani dal 1969, sibèṅ minga creditàda. In dal 1976 la tōś part a la série Militari di carriera méntar dū an dòp la rècita in 'n epiśòdi dal telefìlm Starsky & Hutch.
La s fà cgnós'r in dal 1984 tulénd part da prutagunìsta a 'l thriller ad Brian De Palma Omicidio a luci rosse ch'al gh fruta na candidadùra a i Golden Globe. Sèmp'r in c'l an lè la lavóra cun Abel Ferrara in Paura su Manhattan, faghénd praticamènt al stés rōl, qvél dna śōvna ch'la s cava śò in spetàcui p'r i óm.
La sò caréra la ciàpa 'l vōl e a la fiṅ di an Utànta la Griffith la lavóra cun di regìsta impurtànt cuma Jonathan Demme (in dla cumèdia Qualcosa di travolgente fata in còpia cun Jeff Daniels), Mike Figgis (in dal pulisiésc Stormy Monday fat insém a Tommy Lee Jones e a Sting) e Mike Nichols ch'al la sarnìs p'r Una donna in carriera, cumèdia cun Harrison Ford, la Sigourney Weaver, Alec Baldwin, la Joan Cusack e Kevin Spacey ch'la gh parmét ad ricévar na nomination da part dl'Academy Award.
In dal 1990 la rècita cun Matthew Modine e Michael Keaton in dal thriller Uno sconosciuto alla porta, film ad John Schlesinger. Sèmp'r in c'l an lè la tórna a lauràr cun Brian De Palma in Il falò delle vanità ch'invéci però al n gh'à minga sucès.
Anc la cumèdia dal 1995 Two Much - Uno di troppo la và in rós ma la gh parmét ad cgnós'r Antonio Banderas ch'al dvintarà al sò tèrs marè dòp i sò culéga Don Johnson e Steven Bauer. 'L atōr andalùś al la turà pò in dal 1999 par far-ag far la prutagunìsta in dal sò film Pazzi in Alabama ma anc cla pelìcula chè la farà flop. La caréra dla Melanie la patìs un brut strabùc cuntand anc al Razzie Award ciapâ par Vite sospese dal 1992.
In dal 2001 la fà 'l sò debùt a Broadway in d'l arfacimènt dal musical Chicago ch'al gh'à invéci sucès. La Melanie la tórna anc a recitàr in televiśiòn tulénd part a i telefìlm Nip/Tuck, Aiutami Hope! e Hawaii Five-0.
In dal sò vita l'è stada custréta a 'ndàr par soquànti vòlti in clìnica par di prubléma 'd dipendénsa da alcool e dròga mént'r in dal 2009 l'è stada uperàda p'r un melanòma.
Filmugrafìa
[mudéfica la surzéia]
.png)
- 1969 - Smith, un cowboy per gli indiani (Smith!), regìa ad Michael O'Herlihy
- 1973 - The Harrad Experiment, regìa ad Ted Post
- 1975 - Bersaglio di notte (Night Moves), regìa 'd Arthur Penn
- 1975 - Detective Harper: acqua alla gola (The Drowning Pool), regìa ad Stuart Rosenberg
- 1975 - Smile, regìa ad Michael Ritchie
- 1977 - La ragazza dell'altro (Joyride), regìa ad Joseph Ruben
- 1977 - Domani vinco anch'io (One on One), regìa ad Lamont Johnson
- 1977 - Ha-Gan, regìa ad Victor Nord
- 1981 - La donna soldato ( She's in the Army Now), regìa 'd Hy Averback – film TV
- 1981 - Golden Gate, regìa ad Paul Wendkos – film TV
- 1981 - Parking Paradise, regìa ad Robert Butler
- 1981 - Il grande ruggito (Roar), regìa ad Noel Marshall
- 1984 - Paura su Manhattan (Fear City), regìa 'd Abel Ferrara
- 1984 - Omicidio a luci rosse (Body Double), regìa ad Brian De Palma
- 1986 - Qualcosa di travolgente (Something Wild), regìa ad Jonathan Demme
- 1987 - Bambola meccanica mod. Cherry 2000 (Cherry 2000), regìa ad Steve DeJarnatt
- 1988 - Milagro (The Milagro Beanfield War), regìa ad Robert Redford
- 1988 - Stormy Monday, regìa ad Mike Figgis
- 1988 - Una donna in carriera (Working Girl), regìa ad Mike Nichols
- 1990 - Donne e uomini - Storie di seduzione (Women and Men: Stories of Seduction), regìa ad Frederic Raphael, Tony Richardson e Ken Russell – film TV
- 1990 - Due donne e un assassino (In the Spirit), regìa dla Sandra Seacat
- 1990 - Uno sconosciuto alla porta (Pacific Heights), regìa ad John Schlesinger
- 1990 - Il falò delle vanità (The Bonfire of the Vanities), regìa ad Brian De Palma
- 1991 - La strada per il paradiso (Paradise), regìa dla Mary Agnes Donoghue
- 1992 - Vite sospese (Shining Through), regìa ad David Seltzer
- 1992 - Una estranea fra noi (A Stranger Among Us), regìa ad Sidney Lumet
- 1993 - Nata ieri (Born Yesterday), regìa ad Luis Mandoki
- 1994 - Lezioni di anatomia (Milk Money), regìa ad Richard Benjamin
- 1994 - La vita a modo mio (Nobody's Fool), regìa ad Robert Benton
- 1995 - Amiche per sempre (Now and Then), regìa dla Lesli Linka Glatter
- 1995 - Two Much - Uno di troppo (Two Much), regìa ad Fernando Trueba
- 1996 - Scomodi omicidi (Mulholland Falls), regìa ad Lee Tamahori
- 1997 - Lolita, regìa 'd Adrian Lyne
- 1998 - Un altro giorno in paradiso (Another Day in Paradise), regìa ad Larry Clark
- 1998 - L'ombra del dubbio (Shadow of Doubt), regìa ad Randal Kleiser
- 1998 - Celebrity, regìa ad Woody Allen
- 1999 - RKO 281 - La vera storia di Quarto potere (RKO 281), regìa ad Benjamin Ross – film TV
- 1999 - The Book That Wrote Itself, regìa ad Liam O Mochain
- 1999 - Pazzi in Alabama (Crazy in Alabama), regìa 'd Antonio Banderas
- 2000 - A morte Hollywood (Cecil B. DeMented), regìa ad John Waters
- 2000 - Vite nascoste (Forever Lulu, regìa ad John Kaye
- 2000 - Light Keeps Me Company (Ljuset håller mig sällskap), regìa ad Carl-Gustav Nykvist – ducumentàri
- 2001 - Tart - Sesso, droga e... college (Tart), regìa dla Christina Wayne
- 2002 - Searching for Debra Winger, regìa dla Rosanna Arquette - ducumentàri
- 2003 - Tempo, regìa 'd Eric Styles
- 2003 - Shade - Carta vincente (Shade), regìa ad Damian Nieman
- 2003 - The Night We Called It a Day, regìa ad Paul Goldman
- 2005 - Il profumo dell'inganno (Heartless), regìa ad Robert Markowitz – film TV
- 2006 - Have Mercy, regìa dla Kathy Bates
- 2012 - The Grief Tourist, regìa ad Suri Krishnamma
- 2012 - Yellow, regìa ad Nick Cassavetes
- 2014 - Automata (Autómata), regìa ad Gabe Ibáñez
- 2015 - Day Out of Days, regìa dla Zoe Cassavetes
- 2016 - J.L. Family Ranch, regìa ad Charles Robert Carner
- 2017 - The Disaster Artist, regìa ad James Franco
- 2017 - I pirati della Somalia (The Pirates of Somalia), regìa ad Bryan Buckley
- 2020 - L'assistente della star (The High Note), regìa dla Nisha Ganatra
- 2025 - By Design, regìa dl'Amanda Kramer
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Melanie Griffith
Wikimedia Commons contiene file multimediali su Melanie Griffith
