Meg Ryan

C'l artìcul chè 'l è scrit in Miranduléś

La Margaret Mary Emily Anne Hyra (Fairfield, 19 ad Nuvémbar dal 1961, a s lèś [mɛɡ ˈɹaɪən] in ingléś) l'è n'atōra, regìsta, e prudutōra par cìnema e televiśiòṅ americàna.

Famóśa cuma prutagunìsta 'd un muć ad cumèdi rumàntichi, l'è stada candidàda a 'l Golden Globe p'r i film Harry, ti presento Sally..., Insonnia d'amore e C'è posta per te, tri di sò sucès più impurtànt girâ cun Billy Crystal e Tom Hanks cuma partner.

Insém a la Doris Day la s divìd al scutmàj ad “Muróśa dl'Amèrica”. In dla sò vita l'è stada ligàda a 'l atōr Dennis Quaid, sò marè da 'l 1992 a 'l 2001, e a 'l cantànt John Mellencamp.

Biugrafìa

Nada da na famìja catòliga dal Connecticut, da pìcula la s fava ciamàr Peggy cuma sò nunóna. A quìnd'ś an i sò genitōr i s divìdan e lē, sprunàda par sò màdar, la taca a far l'atōra. A daśdòt an la firma 'l sò prim cuntràt par la reclàm 'd un parfùm. Dòp ès'r-as diplumàda a la Bethel High School a Bethel, la taca a studiàr giurnalìśum a l'università, pò la và a star a New York.

L'eśurdìs a 'l cìnema in dal 1981 cun George Cukor tulénd part a Ricche e famose, in séguit la fà la part dla Betsy Stewart in dla soap opera Così gira il mondo (1982-1984).

In dal 1983 la gira 'l film ad scarésa Amityville 3D, pò tri an dòp la rècita in Top Gun, pelìcula 'd asiòṅ ad Tony Scott cun Tom Cruise e la Kelly McGillis. P'r al film Terra promessa dal 1987 la vîṅ numinàda a gl'Independent Spirit Awards méntar 'l an dòp la gira i thriller D.O.A. - Dead on Arrival, insém a 'l sò futûr marè Dennis Quaid, e Il presidio - Scena di un crimine cun Sean Connery.

Al sucès definitìṿ al riva in dal 1989 quànd la fà la part dla Sally in dla cumèdia brilànta Harry, ti presento Sally..., film cun 'n incàs ad nuànta migliòṅ ad dòlar in di sōi Stat Unî. L'è dvintàda famósa la séna in dua lē par finta la fà di sîg ad gudiōl in un risturànt, miténd in imbaràs al pòvar Billy Crystal.

In di an Nuànta la lavóra c'n Oliver Stone in dal film biugràfic The Doors dedicâ a 'l grup ad Jim Morrison (1991) pò in dal film Insonnia d'amore (1991), numinâ a i Prèmi Òscar e sucès mundiàł c'n i sò duśènt-trénta migliòṅ ad dòlar 'd incàs, e in dla cumèdia sentimentàla French Kiss, pelìcula prudóta da lē in dua la rècita insém a Kevin Kline e a Timothy Hutton. In dal 1998, a fiànc ad Tom Hanks, la gira C'è posta per te, in na quàlc manéra 'n arfacimènt dal film dal 1940 Scrivimi fermo posta 'd Ernst Lubitsch, àtar sucès da duśènt-sinquànta migliòṅ ad dòlar.

In dal 2003 la gira al thriller spurcaciòṅ In the Cut in dua la Ryan l'è da spés a lèt c'n al detective dimóndi più śōv'n ad lē Mark Ruffalo.

La Megan l'à girâ da regìsta dû film, in dal 2015 Ithaca - L'attesa di un ritorno, cun Tom Hanks e sò fiōl Jack Quaid, e in dal 2023 Coincidenze d'amore in dua la fà còpia cun David Duchovny.

Filmugrafìa

cuma Atōra

1981 - Ricche e famose (Rich and Famous), regìa ad George Cukor
1983 - Amityville 3D (Amityville 3-D), regìa ad Richard Fleischer
1986 - Top Gun, regìa ad Tony Scott
1986 - Pazzi da legare (Armed and Dangerous), regìa ad Mark L. Lester
1987 - Salto nel buio (Innerspace), regìa ad Joe Dante
1987 - Terra promessa (Promised Land), regìa ad Michael Hoffman
1988 - D.O.A. - Dead on Arrival (D.O.A.), regìa ad Rocky Morton e dl'Annabel Jankel
1988 - Il presidio - Scena di un crimine (The Presidio), regìa ad Peter Hyams
1989 - Harry, ti presento Sally... (When Harry Met Sally...), regìa ad Rob Reiner
1990 - Joe contro il vulcano (Joe Versus the Volcano), regìa ad John Patrick Shanley
1991 - The Doors, regìa 'd Oliver Stone
1992 - Doppia anima (Prelude to a Kiss), regìa ad Norman René
1993 - Insonnia d'amore (Sleepless in Seattle), regìa dla Nora Ephron
1993 - Omicidi di provincia (Flesh and Bone), regìa ad Steve Kloves
1994 - Amarsi (When a Man Loves a Woman), regìa ad Luis Mandoki
1994 - Genio per amore (I.Q.), regìa ad Fred Schepisi
1995 - French Kiss, regìa ad Lawrence Kasdan
1995 - Restoration - Il peccato e il castigo (Restoration), regìa ad Michael Hoffman
1996 - Il coraggio della verità (Courage Under Fire), regìa 'd Edward Zwick
1997 - Innamorati cronici (Addicted to Love), regìa ad Griffin Dunne
1998 - City of Angels - La città degli angeli (City of Angels), regìa ad Brad Silberling
1998 - Bugie, baci, bambole & bastardi (Hurlyburly), regìa 'd Anthony Drazan
1998 - C'è posta per te (You've Got Mail), regìa dla Nora Ephron
2000 - Avviso di chiamata (Hanging Up), regìa dla Diane Keaton
2000 - Rapimento e riscatto (Proof of Life), regìa ad Taylor Hackford
2001 - Kate & Leopold, regìa ad James Mangold
2003 - In the Cut, regìa dla Jane Campion
2004 - Against the Ropes, regìa ad Charles S. Dutton
2007 - Il bacio che aspettavo (In the Land of Women), regìa ad Jon Kasdan
2008 - Love Shooting (The Deal - Sexy Backstage), regìa ad Steven Schachter
2008 - Homeland Security (My Mom's New Boyfriend), regìa ad George Gallo
2008 - The Women, regìa dla Diane English
2009 - Serious Moonlight, regìa dla Cheryl Hines
2015 - Ithaca - L'attesa di un ritorno (Ithaca), regìa dla Meg Ryan
2015 - Ciak, si canta (Fan Girl), regìa ad Paul Jarrett - film TV
2023 - Coincidenze d'amore (What Happens Later), regìa dla Meg Ryan

cuma Regìsta

2015 - Ithaca - L'attesa di un ritorno (Ithaca)
2023 - Coincidenze d'amore (What Happens Later)

cuma Prudutōra

1995 - French Kiss, regìa ad Lawrence Kasdan
1997 - L'aurora boreale (Northern Lights), regìa dal Linda Yellen – film TV
2001 - Lost Souls - La profezia (Lost Souls), regìa ad Janusz Kaminski
2001 - Prima o poi mi sposo (The Wedding Planner), regìa 'd Adam Shankman
2002 - Desert Saints, regìa ad Richard Greenberg

Culegamènt estéran

Àtar prugèt

Wikiquote contiene citazioni di o su Meg Ryan
Wikimedia Commons contiene file multimediali su Meg Ryan