Medusa Film
|
C'l artìcul chè 'l è scrit in
Miranduléś |
La Medusa Film l'è na cà 'd prudusiòṅ e 'd distribusiòṅ ad film itagliàna, cuntrulàda par la MFE - MediaForEurope dla Mediaset, cun sēd a Róma. L'è stada fundàda in dal 1964 da Felice Colaiacomo e da Franco Poccioni c'n al nóm ad Medusa Distribuzione.
C'n al sucès dal film Rambo e 'd àtar film americàṅ, la Medusa l'è rivàda a èsar una dal più impurtànti cà 'd distribusiòṅ in Itàglia. In dal 1986 Reteitalia, ch'la fava part dal grup Fininvest, l'à cumprâ al 49% dla sucietà par pò tōr-la tuta in dal 1988. Da 'l 1989 a 'l 1995 insém a la Cecchi Gori Group l'à dâ vita a na joint venture furmànd la Penta Film.
La Medusa l'à prudót film ad regìsta cuma Lucio Fulci, Bernardo Bertolucci, Gabriele Muccino, Ferzan Özpetek, Ettore Scola, Giuseppe Tornatore, Franco Zeffirelli, Aldo, Giovanni e Giacomo e Bruno Corbucci, Nando Cicero, tgnénd adrē a la distribusiòṅ ad pelìculi ad Checco Zalone, Pio e Amedeo, Roberto Benigni, Leonardo Pieraccioni, Massimo Boldi e Paolo Virzì.
Fra i film più impurtànt dal sò catàlug a 'rcurdém La prima notte del dottor Danieli, industriale, col complesso del... giocattolo (1970), Lo chiamavano Trinità... (1970), Paranoia (1970), ...continuavano a chiamarlo Trinità (1971), Non si sevizia un paperino (1972), ...altrimenti ci arrabbiamo! (1974), L'insegnante (1975), Io sto con gli ippopotami (1979), Un sacco bello (1980), Bianco, rosso e Verdone (1981), Pierino contro tutti (1981), Occhio, malocchio, prezzemolo e finocchio (1983), Rimini Rimini (1987), Nosferatu a Venezia (1988), Abbronzatissimi (1991), Il corvo - The Crow (1994), Stargate (1994), Nightmare - Nuovo incubo (1994), Bambola (1996), Tre uomini e una gamba (1997), Radiofreccia (1998), What Women Want - Quello che le donne vogliono (2000), La leggenda di Al, John e Jack (2002), Pinocchio (2002), La ricerca della felicità (2006), La terza madre (2007), Giù al Nord (2008), Io & Marilyn (2009), Baciami ancora (2010), Benvenuti al Sud (2010), Femmine contro maschi (2011), Youth - La giovinezza (2015), Quo vado? (2016), Omicidio all'italiana (2017), Puoi baciare lo sposo (2018) e Tolo tolo (2020).