Una pillola per due
|
C'l artìcul chè 'l è scrit in
Miranduléś |
 Les belles Américaines | ||
| Una pillola per due | ||
 La Lara Flynn Boyle in na figùra dal film | ||
| Na pìlula par dū 1990 | ||
|---|---|---|
| Regìa: Carol Wiseman | ||
| Scritōr: Peter Lefcourt • Carol Wiseman | ||
| Atōr: Joanna Cassidy • Lara Flynn Boyle Guy Marchand • Paul Freeman • André Penvern | ||
| Müsica: André Georget | ||
| Léngua: Ingléś | ||
| Dürä dal film: 85 minüt | ||
| Nasiōṅ: Frància • Stat Unî | ||
Una pillola per due (Na pìlula par dū) l'è na cumèdia francéśa e americàna dal 1990 dla Carol Wiseman, giràda par la televiśiòṅ.
In Itàglia l'è cgnusùda anc c'n al tìtul americàṅ ad May Wine.
Sunt
[mudéfica la surzéia]La Lorraine Devon (Joanna Cassidy) l'è na dóna 'd quarànt'an ch'la gh'à na boutique a Los Angeles. Chi lē l'è spuśàda cun Tom Smith (Paul Freeman), 'n óm pîṅ ad bèsi che però 'l è na piva e ch'al rónfa sèmp'r a lèt, e la gh'à na fiōla 'd daśdòt an ciamàda Cammie (Lara Flynn Boyle) ch'la n fà mai gnint tut al dè a part ciapàr al Sōl in pisìna c'n al sò muróś Chuck.
Par śluntanàr-la da cal ragàs là, ch'i n s cumpatìsan pròpria briśa, i sò genitōr i decìd'n ad mandàr-la a Parì insém a la Lorraine ch'la gh'à da far un viàś ad lavōr. Partìda malvluntéra, la Cammie la gh'à da far frònt a 'l fat ch'la sò valìś e qvéla 'd sò màd'r i èṅ stati pardùdi a 'l aeropòrt. Armàśi sénsa pìluli p'r al cuntròl dla gravidànsa, esénd ch'i vōlan far sès lìb'r in Frància, al dū dóni i dmànd'n a la reception d'l hutèl 'l indirìs 'd un ginecòlug dal pòst, par far-as na ricèta. Sénsa savēr gnint dal piàṅ ad l'atra, al dū dóni i finìsan prima in d'l ambulatòri dal dutōr Paul Charmant (Guy Marchand) e pò anc in dal sò lèt.
A 'n sèrt punt Tom al decìd ad partìr par Parì anc lò e cal fat chè al manda a gambi p'r aria i piàṅ dla Lorraine ch'la vliva cuntinuàr la sò stòria c'n al mèdag.