Max Showalter
|
C'l artìcul chè 'l è scrit in
Miranduléś |
Casey Adams, cgnusû méj cuma Max Showalter (Caldwell, 2 ad Śugn dal 1917 - Middletown, 30 ad Luj dal 2000), 'l è stâ 'n atōr americàṅ.
Dòp avēr laurâ p'r al caśinò ad Pasadena da 'l 1935 a 'l 1938 in 92 spetàcui, 'l à fat al debùt a Broadway in Knights of Song par pò tōr part par dū an a 'l musical This Is the Army.
A 'l cìnema 'l à laurâ da piò in di an Sinquànta in dua, fra i sò film più impurtànt a 'rcurdém Niagara (1953), in dua 'l à fat còpia cun la Marilyn Monroe faghénd la part ad Ray Cutler, Fermata d'autobus (1956) e L'uomo che uccise il suo cadavere (1956).
In televiśiòṅ 'l à tòlt part a dimóndi telefìlm, da i an Sinquànta a i an Utànta, cuma Ai confini della realtà (1961), Il dottor Kildare (1962-1964), Perry Mason (1958-1965), Vita da strega (1965), Sulle strade della California (1975), Kojak (1975), L'incredibile Hulk (1981) e Love Boat (1982-1983).
Ól'r a ès'r atōr 'l è stâ anc cumpuśidōr, cantànt e pianìsta. 'L è mòrt a utànta-tri an in dla sò cà dal Connecticut.