Mary Murphy

C'l artìcul chè 'l è scrit in Miranduléś

La Mary Murphy (Washington, 26 ad Śnar dal 1931 - Los Angeles, 4 ad Maǵ dal 2011) l'è stada n'atōra americàna.

Biugrafìa

Uriginària dal Distrét ad Culùmbia, la Mary Murphy l'à pasâ i sò prim an a Cleveland (Ohio). Dòp la mòrt ad sò pàdar, in dal 1940 lē e sò màd'r i èṅ andâ a star in Califòrgna, prima a Los Angeles e pò a Long Beach. Dòp avē vins soquànt cuncōrs ad belésa, a 'l inìsi di an Sinquànta la Paramount Pictures la la mét sóta cuntràt, faghénd-ag far soquànti part piculìni in film cuma Quando i mondi si scontrano (1951), Donne verso l'ignoto (1951), Attente ai marinai! (1952), cun Dean Martin e Jerry Lewis, e Il mago Houdini (1953).

In dal 1953 la sò caréra la ciàpa 'l vōl par via dal film Il selvaggio ad László Benedek, in dua l'à fat al rōl dla Kathie Bleeker, la fiōla dal sierìf ch'la s inamóra dal cap dna banda ad mutuciclìsta arvèrs, Johnny (Marlon Brando).

Dòp cla pelìcula lè, la Murphy la ricév atri parti impurtànti in film cuma Missione suicidio (1954), in dua la fà la francéśa Nina Bouchard ch'la s unìs a i dū marines (Tony Curtis e Frank Lovejoy) in na misiòṅ su n'ìśula sóta 'l cuntròl di giapunéś durànt la secónda guèra mundiàla. Fra i sò àtar lavōr più impurtànt ad cal perìud chè a 'rcurdém al film ad scarésa Il mostro delle nebbie (1954), a fiànc ad Vincent Price, al western La strage del 7º Cavalleggeri (1955), in du la fà na śōvna inamuràda d'n ufisiàł (Dale Robertson) ch'al favurìs la paś fra 'l guèr'n americàṅ e i Sioux dòp la batùda ad Little Big Horn, 'l aventuróś Il demone dell'isola (1955) e 'l drama Ore disperate (1955), in dū la fà la fiōla ad Fredric March, ciapàda in ustàǵ cun la sò famìja da na banda 'd delinquènt c'n a cap Humphrey Bogart.

In dal 1956 l'atōra l'à tòlt part a na prudusiòṅ britànica, L'amante misteriosa, par la regìa ad Joseph Losey, in dua l'à fat la misterióśa Evelyn Stewart, na dóna ch'la manda dal létri in du la diś 'd èsar l'amànta 'd un regìsta americàṅ (Richard Basehart). Sèmp'r in dal Régn Unî la gira Il terrore non ha confini (1957) insém a Rod Cameron.

Da la secónda mità di an Sinquànta in avànti la Murphy la taca a lauràr da spés in televiśiòṅ tulénd part a telefìlm dimóndi amâ in alóra cuma I detectives (1959), Laramie (1961), Alfred Hitchcock presenta (1961), Perry Mason (1962), Il dottor Kildare (1963), Tre nipoti e un maggiordomo (1966), Le strade di San Francisco (1974) e Ironside (1974).

Fra i sò ùltim lavōr a 'l cìnema a psém nutàr la cumèdia 20 chili di guai!... e una tonnellata di gioia (1962), al biugràfic Jean Harlow, la donna che non sapeva amare (1965) e 'l western mudèran L'ultimo buscadero cun Steve McQueen (1972).

La Murphy l'è mòrta a utànt'an par 'n atàc ad cōr, in dla sò cà a Beverly Hills.

Filmugrafìa

1951 - Il ratto delle zitelle (The Lemon Drop Kid), regìa ad Sidney Lanfield e 'd Frank Tashlin
1951 - Quando i mondi si scontrano (When Worlds Collide), regìa ad Rudolph Maté
1951 - La mia donna è un angelo (Darling, How Could You!), regìa ad Mitchell Leisen
1951 - Donne verso l'ignoto (Westward the Women), regìa ad William A. Wellman
1951 - L'avventuriera di Tangeri (My Favorite Spy), regìa ad Norman Z. McLeod
1952 - Attente ai marinai! (Sailor Beware), regìa 'd Hal Walker
1952 - Amore e petrolio (Aaron Slick from Punkin Creek), regìa ad Claude Binyon
1952 - La città atomica (The Atomic City), regìa ad Jerry Hopper
1952 - Gli occhi che non sorrisero (Carrie), regìa ad William Wyler
1952 - Furore sulla città (The Turning Point), regìa ad William Dieterle
1953 - Polizia militare (Off Limits), regìa ad George Marshall
1953 - Il mago Houdini (Houdini), regìa ad George Marshall
1953 - Main Street to Broadway, regìa ad Tay Garnett
1953 - Il selvaggio (The Wild One), regìa ad László Benedek
1954 - Missione suicidio (Beachhead), regìa ad Stuart Heisler
1954 - La fossa dei dannati (Make Haste to Live), regìa ad William A. Seiter
1954 - Il mostro delle nebbie (The Mad Magician), regìa ad John Brahm
1954 - La strage del 7º Cavalleggeri (Sitting Bull), regìa ad Sidney Salkow
1955 - Il demone dell'isola (Hell's Island), regìa ad Phil Karlson
1955 - Ore disperate (The Desperate Hours), regìa ad William Wyler
1955 - Gli ostaggi (A Man Alone), regìa ad Ray Milland
1956 - Il mio amante è un bandito (The Maverick Queen), regìa ad Joseph Kane
1956 - L'amante misteriosa (The Intimate Stranger), regìa ad Joseph Losey
1958 - Il terrore non ha confini (Escapement), regìa ad Montgomery Tully e 'd David Paltenghi
1958 - Live Fast, Die Young, regìa ad Paul Henreid
1959 - La febbre del delitto (Crime & Punishment, U.S.A.), regìa ad Denis Sanders
1962 - Two Before Zero, regìa ad William D. Faralla
1962 - 20 chili di guai!... e una tonnellata di gioia (40 Pounds of Trouble), regìa ad Norman Jewison
1965 - Jean Harlow, la donna che non sapeva amare (Harlow), regìa ad Gordon Douglas
1972 - L'ultimo buscadero (Junior Bonner), regìa ad Sam Peckinpah
1972 - Footsteps, regìa ad Paul Wendkos - film tv
1974 - I Love You... Good-bye, regìa ad Sam O'Steen
1974 - The Stranger Who Looks Like Me, regìa ad Larry Peerce - film tv
1974 - La ragazza del riformatorio (Born Innocent), regìa ad Donald Wrye - film tv
1975 - Katherine, regìa ad Jeremy Kagan - film tv

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Mary Murphy