Mark Carney

 Miranduléś

C'l artìcul chè 'l è scrit in Miranduléś

«

As I've been warning for months, America wants our land, our resources, our water, our country. These are not idle threats. President Trump is trying to break us so America can own us. That will never ... ever happen.»

(EN)(Al sò dascōrs dòp avēr vins gl'elesiòṅ dal 2025)

«

Cum a v dig da méś, l'Amèrica la vōl la nòstra tèra, al nòstri risórsi, la nòstra àqua, al nòstar paéś. Qvisti chè i n èṅ minga dal minàsi basta ch'a sia. Al presidènt Trump 'l è drē a pruàr a sćiancàr-'s in manéra ch'l'Amèrica la pòsa prénd'r-as. Cal quèl chè al n sucedrà mai... vansâ.»

(MUD)

Mark Carney tòlt śò in dal 2013

Mark Joseph Carney (Fort Smith, 16 ad Mars dal 1965) 'l è 'n ecunumìsta, banchēr, manager e pulìtig canadéś, cap dal Partî Liberàł dal Cànada e 24śum prim minìstar dal sò paéś.

'L à ciapâ cla carga chè al 14 ad Mars dal 2025 quànd 'l à tòlt al pòst ad Justin Trudeau, al vèć prim minìstar ch'al s è dimìs parchè 'l éra dimóndi śò in di cunsèns.

'L à urganiśâ di elesiòṅ antisipàdi p'r al 28 'd Avrìl dal 2025 ch'l à pò vins cónt'r i cunservadōr 'd Pierre Poilievre ch'a 'n sèrt punt 'l éra in vantàś sèg anc ad vint-sèt punt in di sundàǵ.

Uriginàri di Teritóri dal Nòrd-Òvest e laureâ da 'l 1988 in ecunumià a l'Università Harvard, Carney 'l à laurâ par Goldman Sachs par pò dvintàr prima 'l utàṿ guvernadōr dla banca sentràla dal Cànada e pò guvernadōr dla banca d'Inghiltèra da 2013 a 'l 2020.

Nòti