Marion Cotillard

C'l artìcul chè 'l è scrit in Miranduléś

La Marion Cotillard (Parì, 30 ad Setémbar dal 1975, a s lèś [ma.ʁjɔ̃ kɔ.ti.jaʁ] in francéś) l'è n'atōra, ardupiadōra, mudèla e cantànta francéśa, vinsidōra dal Prèmi Òscar dal 2008 p'r al biugràfic La Vie en rose in dua l'à fat la part dl'Édith Piaf, ólt'r a n'atra candidadùra in dal 2015 p'r al drama Due giorni, una notte e a 'n Golden Globe. L'è anc testimonial par Christian Dior e la sò ghigna l'è cumpàrsa su duśènt e pasa cupertìni ad rivìsti ad tut al mónd cuma Vogue, Marie Claire e Vanity Fair.

L'à tacâ la sò caréra da atōra da putìna a gl'inìsi di an Utànta tulénd part a dū film par la televiśiòṅ par pò far-as cgnós'r in Frància faghénd la part dla Lilly Bertinea in dla trilugìa Taxxi (1998), Taxxi 2 (2000) e Taxxi 3 (2003). In dal 2003 l'è stada sarnìda da Tim Burton par far la part dla mujēr ad Billy Crudup in Big Fish - Le storie di una vita incredibile méntar dū an dòp l'à recitâ in dal drama Mary 'd Abel Ferrara, a fiànc dla Juliette Binoche, ad Forest Whitaker e 'd Matthew Modine, e in dal thriller Black Box, faghénd la part dla hostess muróśa ad José Garcia.

In dal 2006 l'à incruśâ Benoît Magimel e Jean-Pierre Cassel in dal drama Fair Play e Russell Crowe in dla cumèdia sentimentàla Un'ottima annata - A Good Year, in dla sò secónda pelìcula giràda a Hollywood. Dòp 'l Òscar vins 'l an dòp cun La Vie en rose, l'à tacâ a lauràr da piò anc in di Stat Unî tulénd part a film cuma 'l pulisiésc Nemico pubblico - Public Enemies (2009), insém a Johnny Depp e a Christian Bale, al fantasientìfic Inception (2010), cun prutagunìsta Leonardo DiCaprio, la cumèdia Midnight in Paris ad Woody Allen (2011), al thriller Contagion (2011), cun la Gwyneth Paltrow, Matt Damon, Jude Law e la Kate Winslet, e 'l aventuróś Il cavaliere oscuro - Il ritorno (2012) in di pagn dla Miranda Tate.

In dal 2012 a l'ém vista incóra in Európa in dal drama sentimentàł Un sapore di ruggine e ossa, in du la gh'à 'l rōl dna ragàsa sénsa gambi ch'la gh'à na relasiòṅ cun Matthias Schoenaerts, e pò incóra in dal film ad guèra Macbeth (2015) in còpia cun Michael Fassbender ch'la catarà incóra anc in d'l aventuróś Assassin's Creed (2016).

Fra i sò ùltim lavōr a 'rcurdém la cumèdia Asterix & Obelix - Il regno di mezzo (2023) in dua l'à fat la part dla Cleupàtra.

Filmugrafìa

1994 - L'histoire du garçon qui voulait qu'on l'embrasse, regìa ad Philippe Harel
1996 - Chloé, regìa ad Dennis Berry - Film TV
1996 - Comment je me suis disputé... (ma vie sexuelle), regìa 'd Arnaud Desplechin
1996 - Il pianeta verde (La Belle Verte), regìa dla Coline Serreau
1998 - Taxxi (Taxi), regìa ad Gérard Pirès
1999 - La guerre dans le Haut Pays, regìa ad Francis Reusser
1999 - Furia, regìa 'd Alexandre Aja
1999 - Du bleu jusqu'en Amérique, regìa dla Sarah Lévy
2000 - Taxxi 2 (Taxi 2), regìa ad Gérard Krawczyk
2001 - Lisa, regìa ad Pierre Grimblat
2001 - Les jolies choses, regìa ad Gilles Paquet-Brenner
2002 - Une affaire privée - Una questione privata (Une affaire privée), regìa ad Guillaume Nicloux
2003 - Taxxi 3 (Taxi 3), regìa ad Gérard Krawczyk
2003 - Amami se hai coraggio (Jeux d'enfants), regìa ad Yann Samuell
2003 - Big Fish - Le storie di una vita incredibile (Big Fish), regìa ad Tim Burton
2004 - Innocence, regìa dla Lucile Hadžihalilović
2004 - Una lunga domenica di passioni (Un long dimanche de fiançailles), regìa ad Jean-Pierre Jeunet
2005 - Cavalcade, regìa ad Steve Suissa
2005 - Ma vie en l'air, regìa ad Rémi Bezançon
2005 - Mary, regìa 'd Abel Ferrara
2005 - Sauf le respect que je vous dois, regìa dla Fabienne Godet
2005 - Black Box (La boîte noire), regìa ad Richard Berry
2005 - Edy, regìa ad Stéphan Guérin-Tillié
2006 - Toi et Moi, regìa ad Julie Lopes-Curval
2006 - Dikkenek, regìa 'd Olivier Van Hoofstadt
2006 - Fair Play, regìa ad Lionel Bailliu
2006 - Un'ottima annata - A Good Year (A Good Year), regìa ad Ridley Scott
2007 - La Vie en rose (La Môme), regìa 'd Olivier Dahan
2009 - Nemico pubblico - Public Enemies (Public Enemies), regìa ad Michael Mann
2009 - L'ultimo volo (Le dernier vol), regìa ad Karim Dridi
2009 - Nine, regìa ad Rob Marshall
2010 - Inception, regìa ad Christopher Nolan
2010 - Piccole bugie tra amici (Les petits mouchoirs), regìa ad Guillaume Canet
2011 - Midnight in Paris, regìa ad Woody Allen
2011 - Contagion, regìa ad Steven Soderbergh
2012 - Un sapore di ruggine e ossa (De rouille et d'os), regìa ad Jacques Audiard
2012 - Il cavaliere oscuro - Il ritorno (The Dark Knight Rises), regìa ad Christopher Nolan
2013 - C'era una volta a New York (The Immigrant), regìa ad James Gray
2013 - Blood Ties - La legge del sangue (Blood Ties), regìa ad Guillaume Canet
2013 - Anchorman 2 - Fotti la notizia (Anchorman 2: The Legend Continues), regìa 'd Adam McKay
2014 - Due giorni, una notte (Deux jours, une nuit), regìa ad Jean-Pierre e Luc Dardenne
2015 - Macbeth, regìa ad Justin Kurzel
2016 - È solo la fine del mondo (Juste la fin du monde), regìa ad Xavier Dolan
2016 - Mal di pietre (Mal de pierres), regìa dla Nicole Garcia
2016 - Assassin's Creed, regìa ad Justin Kurzel
2016 - Allied - Un'ombra nascosta (Allied), regìa ad Robert Zemeckis
2017 - Rock'n Roll, regìa ad Guillaume Canet
2017 - I fantasmi d'Ismael (Les fantômes d'Ismaël), regìa 'd Arnaud Desplechin
2018 - Angel Face (Gueule d'ange), regìa dla Vanessa Filho
2019 - Grandi bugie tra amici (Nous finirons ensemble), regìa ad Guillaume Canet
2021 - Annette, regìa ad Leos Carax
2022 - Fratello e sorella (Frère et Sœur), regìa 'd Arnaud Desplechin
2023 - Asterix & Obelix - Il regno di mezzo (Astérix et Obélix : L'Empire du Milieu), regìa ad Guillaume Canet
2023 - Little Girl Blue, regìa dla Mona Achache
2023 - Lee, regìa dl'Ellen Kuras
2025 - La Tour de Glace, regìa dla Lucile Hadžihalilović
2026 - Karma, regìa ad Guillaume Canet
2026 - Roma Elastica, regìa ad Bertrand Mandico

Culegamènt estéran

Àtar prugèt

Wikimedia Commons contiene file multimediali su Marion Cotillard