Marie Trintignant

C'l artìcul chè 'l è scrit in Miranduléś

La Marie Trintignant (Boulogne-Billancourt, 21 ad Śnar dal 1962 - Neuilly-sur-Seine, 1 'd Agóst dal 2003, a s lèś [maʁi tʁɛ̃tiɲɑ̃] in francéś) l'è stada n'atōra francéśa, candidàda par sinc vòlti a i Prèmi César.

Fiōla d'l atōr Jean-Louis Trintignant e dla sò secónda mujēr, la regìsta Nadine Marquand, la Marie l'à fat al sò debùt a 'l cìnema a quàt'r an recitànd in dal film ad sò màdar Mon amour, mon amour (1967), a fiànc ad sò pàd'r e 'd Michel Piccoli, par pò cuntinuàr cal mistēr lè in di an Stanta tulénd part a 'l pelìculi L'uomo in basso a destra nella fotografia (1973), thriller cun Jean-Louis Trintignant, e Il fascino del delitto (1979) in dla part dla Mona.

In di an Utànta a l'arcurdém p'r al drama girâ in Itàglia La terrazza (1980), cun Marcello Mastroianni, Ugo Tognazzi e Vittorio Gassman, p'r al drama L'estate prossima (1985), fat insém a la Claudia Cardinale, a Philippe Noiret e a la Fanny Ardant, e a 'l drama Un affare di donne (1988) faghénd la part dna putàna ch'la dmanda a l'Isabelle Huppert, ch'la fà di abòrt ad nascòst, ad psēr lauràr in cà sua. Par cal rōl chè la Trintignant la vîṅ numinàda par la prima vòlta a i Prèmi César.

In di an Nuànta a l'ém vista in dla cumèdia In viaggio con Alberto (1990), in dua l'à incruśâ Sergio Castellitto, Nino Manfredi e la Jeanne Moreau, e in dal drama Betty (1992), in dla part dna dóna puòsa e turmintàda ch'la cata ajùt in dla Stéphane Audran.

Fra i sò ùltim lavōr a psém nutàr al drama Una lunga lunga lunga notte d'amore (2001), in còpia cun Giancarlo Giannini, e Marinai perduti (2003) cun prutagunìsta Bernard Giraudeau.

La Marie l'è stada spuśàda da 'l 1998 a 'l 2003 cun 'l atōr e regìsta Samuel Benchetrit e l'éra màd'r ad quàtar fiōi, òṅ abû da 'l atōr François Cluzet. Méntar la s catàva in Lituàgna par giràr un film, la Trintignan l'è stada masàda 'd bòti da 'l sò cumpàgn Bertrand Cantat, cantànt dal grup rock Noir Désir, ch'l iva bvû tròp.

Filmugrafìa

1967 - Mon amour Mon amour, regìa dla Nadine Trintignant
1971 - Tempo d'amore (Ça n'arrive qu'aux autres), regìa dla Nadine Trintignant
1973 - L'uomo in basso a destra nella fotografia (Défense de savoir), regìa dla Nadine Trintignant
1976 - Un giorno e una notte (Le Voyage de noces), regìa dla Nadine Trintignant
1979 - Il fascino del delitto (Série noire), regìa 'd Alain Corneau
1980 - La terrazza, regìa 'd Ettore Scola
1980 - Premiere voyage, regìa dla Nadine Trintignant
1981 - Un matin rouge regìa ad Jean-Jacques Aublanc
1983 - Les îles regìa 'd Iradj Azimi
1985 - L'estate prossima (L'été prochain), regìa dla Nadine Trintignant
1987 - L'estate impura (Noyade interdite), regìa ad Pierre Granier-Deferre
1988 - La maison de Jeanne regìa dla Magali Clement
1988 - Un affare di donne (Une affaire de femmes), regìa ad Claude Chabrol
1988 - La garçonne, regìa 'd Etienne Périer - Film TV
1990 - Le ali del successo (Wings of Fame), regìa 'd Otakar Votocek
1990 - Notte d'estate in città (Nuit d'été en ville), regìa ad Michel Deville
1990 - In viaggio con Alberto (Alberto Express), regìa 'd Arthur Joffé
1991 - Gli amanti del Pont-Neuf (Les amants du Pont-Neuf), regìa ad Leos Carax - Vōś
1992 - Betty, regìa ad Claude Chabrol
1993 - L'instinct de l'ange, regìa ad Richard Dembo
1993 - Cible émouvante, regìa ad Pierre Salvadori
1993 - Les marmottes, regìa 'd Élie Chouraqui
1994 - Le misanthrope, regìa ad Mathias Ledoux - Film TV
1994 - Rêveuse jeunesse, regìa dla Nadine Trintignant - Film TV
1995 - Arrêt d'urgence, regìa ad Denys Granier-Deferre - Film TV
1995 - Le fuggitive (Fugueuses), regìa dla Nadine Trintignant
1995 - Les apprentis, regìa ad Pierre Salvadori
1996 - Le secret d'Iris, regìa dl'Élisabeth Rappeneau - Film TV
1996 - Des nouvelles du bon Dieu, regìa ad Didier Le Pêcheur
1996 - Le cri de la soie, regìa dl'Yvon Marciano
1996 - Ponette, regìa ad Jacques Doillon
1996 - Portraits chinois, regìa dla Martine Dugowson
1996 - L'insoumise, regìa dla Nadine Trintignant - Film TV
1997 - Gli angeli di Elvis (Les démons de Jésus), regìa ad Bernie Bonvoisin
1997 - Le cousin, regìa 'd Alain Corneau
1998 - ...Comme elle respire, regìa ad Pierre Salvadori
2000 - Total Kheops, regìa 'd Alain Bévérini
2000 - Deep in the Woods (Promenons-nous dans les bois), regìa ad Lionel Delplanque
2000 - Harrison's flowers regìa 'd Elie Chouracqui
2000 - Il principe del Pacifico (Le Prince du Pacifique), regìa 'd Alain Corneau
2001 - Una lunga lunga lunga notte d'amore, regìa ad Luciano Emmer
2002 - Petites misères, regìa ad Philippe Boon e 'd Laurent Brandenbourger
2002 - Corto Maltese: Corte sconta detta arcana (Corto Maltese, la cour secrète des arcanes), regìa ad Pascal Morelli - Vōś
2003 - Marinai perduti (Les Marins perdus), regìa dla Claire Devers
2003 - Janis & John (Janis et John), regìa ad Samuel Benchetrit
2004 - Ce qu'ils imaginent, regìa dl'Anne Théron

Culegamènt estéran

(IT) Filmugrafìa su 'l IMDb

Àtar prugèt

Wikimedia Commons contiene file multimediali su Marie Trintignant