Marie-Jo e i suoi due amori
|
C'l artìcul chè 'l è scrit in
Miranduléś |
 Marie-Jo et ses 2 amours
| ||
| Marie-Jo e i suoi due amori | ||
 L'Ariane Ascaride in na figùra dal film | ||
| La Marie-Jo e i sò dū amōr 2002 | ||
|---|---|---|
| Regìa: Robert Guédiguian | ||
| Scritōr: Robert Guédiguian • Jean-Louis Milesi | ||
| Atōr: Ariane Ascaride • Jean-Pierre Darroussin Gérard Meylan • Julie-Marie Parmentier • Axel Köhler Jacques Boudet • Yann Trégouët • Souhade Temimi | ||
| Müsica: Aṿtōr difarènt | ||
| Léngua: Francéś | ||
| Dürä dal film: 124 minüt | ||
| Nasiōṅ: Frància | ||
Marie-Jo e i suoi due amori (La Marie-Jo e i sò dū amōr) l'è na cumèdia dramàtica dal 2002 ad Robert Guédiguian preśentàda in cuncōrs a 'l 55śum Fèstival ad Cannes.
In dla culòna sunóra dal film i s pōlan catàr di pès ad mùśica clàsica (Franz Schubert, Wolfgang Amadeus Mozart e Antonio Vivaldi) e di àtar pop cuma Tenderly, Summertime e What a Wonderful World dl'Ella Fitzgerald e 'd Louis Amstrong, Lady (Hear Me Tonight) ad Modjo e Me Gustas Tu ad Manu Chao.
Sunt
Daniel (Jean-Pierre Darroussin) al gh'à na dita 'd custrusiòṅ a Marsìglia, na mujér ch'la gh vōl bèṅ e ch'la fà la dutōra, la Marie-Jo (Ariane Ascaride), e na fiōla ch'la gh'à da diplumàr-as, la Julie (Julie-Marie Parmentier). Quànd lò però 'l è via par lavōr, la Marie-Jo la s véd c'n un sò amànt marinàr, Marco (Gérard Meylan).
Un dè par caś, méntar 'l è drē a far di lavōr su 'l téǵ in sità, Daniel al bèca 'l furgunsèṅ 'd sò mujér davànti a 'n palàs lè darènt e 'l capìs incòsa. Anc s'al gh'à 'n magòṅ grand acsè in dal cōr, chi lò al fà finta 'd gnint. La dóna la próa a tgnir lugàda la sò stòria p'r un pôc ma pò la n in pōl piò e la cònta incòsa a Daniel dgénd-ag ch'la vōl bèṅ a tut dū ma ch'adès la vōl andàr a vìvar sèg.