Marco Leonardi

C'l artìcul chè 'l è scrit in Miranduléś

Marco Leonardi (Melbourne, 14 ad Nuvémbar dal 1971, a s lèś [ˈmarko leoˈnardi] in itagliàṅ) 'l è 'n atōr itagliàṅ. 'L è bòṅ ad dascórar in quàtar léngui: itagliàṅ, ingléś, purtughéś e spagnōl.

Biugrafìa

Nâ in Austràglia da di genitōr calabréś, a quàt'r an al tórna cun la sò famìja in Itàglia, carsénd a Róma. Dòp avēr laurâ fagénd na quàlc reclàm, in dal 1987 al fà 'l sò debùt a 'l cìnema tulénd part a 'l drama sentimentàł La sposa era bellissima, insém a l'Ángela Molina, a Massimo Ghini e a la Stefania Sandrelli, e a 'l drama spurtìṿ Ultimo minuto, cun prutagunìsta Ugo Tognazzi, méntar 'l an dòp 'l à recitâ in dla cumèdia Ciao ma'..., in du al vōl cgnós'r a tut i cóst al sò ìdul Vasco Rossi, e in dal drama premiâ c'n un Prèmi Òscar Nuovo Cinema Paradiso faghénd la part ad Totò da ragàs.

In dal 1990 al vîṅ sarnî da Francesco Rosi par far la part dal ragàs di gelsumèṅ in dal thriller Dimenticare Palermo (1990), a fiànc ad Jim Belushi, dla Mimi Rogers e 'd Vittorio Gassman. Dū an dòp al cata 'l sucès a livèl internasiunàł faghénd al prutagunìsta dal drama mesicàṅ Come l'acqua per il cioccolato. Su 'l set al cgnós la Lumi Cavazos ch'la sarà la sò muróśa in fîṅ a 'l 1999 quànd i s mòlan.

Turnâ in Itàglia al rècita prima in dal drama Le buttane (1994), faghénd la part 'd un gigolò par 'n óm più vèć, e pò in dal thriller La sindrome di Stendhal (1996), c'n al rōl dal culéga e muróś dl'Asia Argento ch'la gh'à da far i cònt c'n al manìag Thomas Kretschmann. In di an Nuànta 'l à laurâ anc in Amèrica girànd al rumàntig Manhattan Merengue! (1995) , al drama My Brother Jack, in dla part 'd un śōvan italo-americàṅ ch'al finìs in dal tùnel dla dròga, e Dal tramonto all'alba 3 - La figlia del boia (1999), western ad scarésa cun la Sônia Braga.

In séguit a 'l ém vist in dal stòrig I cavalieri che fecero l'impresa ad Pupi Avati (2001), in dal western C'era una volta in Messico (2003), a fiànc 'd Antonio Banderas, dla Salma Hayek, ad Johnny Depp e 'd Willem Dafoe, in dal drama Mary (2005), cun la Juliette Binoche, Forest Whitaker, Matthew Modine e la Marion Cotillard, in dal biugràfic Maradona - La mano de Dios (2007), in di pagn ad Diego Armando Maradona, in dal thriller Cha cha cha (2013), in dla part dal futógrafar, in dal stòrig Ustica (2016), mémbar dla cumisiòṅ parlamentàra ch'la gh'à da far luś du 'l masèl 'd Ùstica, in dal drama Tutti i soldi del mondo (2017), insém a la Michelle Williams, a Christopher Plummer e a Mark Wahlberg, e in dal docu-drama Romanzo radicale (2022) faghénd la part dal pulìtic radicàł Gianfranco Spadaccia.

Filmugrafìa

1987 - La sposa era bellissima, regìa ad Pál Gábor
1987 - Il coraggio di parlare, regìa ad Leandro Castellani
1987 - Ultimo minuto, regìa ad Pupi Avati
1988 - Ciao ma'..., regia Giandomenico Curi
1988 - Nuovo Cinema Paradiso, regìa ad Giuseppe Tornatore
1989 - Scugnizzi, regìa ad Nanni Loy
1990 - Dimenticare Palermo, regìa ad Francesco Rosi
1990 - Ferdinando uomo d'amore, regìa ad Memè Perlini
1990 - La fine dei giochi, regìa ad Fabrizio Laurenti – Film TV
1992 - Come l'acqua per il cioccolato, regìa 'd Alfonso Arau
1993 - Villa Maltraversi, regìa ad Fabrizio Laurenti – Film TV
1993 - La ribelle, regìa 'd Aurelio Grimaldi
1994 - Le buttane, regìa 'd Aurelio Grimaldi
1995 - Viva San Isidro!, regìa ad Alessandro Cappelletti
1995 - Manhattan Merengue!, regìa ad Joseph B. Vasquez
1995 - Banditi, regìa ad Stefano Mignucci
1995 - Una madre di troppo (Im Sog des Bösen), regìa ad Nikolai Müllerschön
1996 - La sindrome di Stendhal, regìa ad Dario Argento
1996 - Italiani, regìa ad Maurizio Ponzi
1996 - Para vivir o morir, regìa ad Radel Villalona
1996 - La Frontiera, regìa ad Franco Giraldi
1997 - My Brother Jack, regìa 'd Anthony Caldarella
1997 - Una vacanza all'inferno, regìa ad Tonino Valerii
1999 - I cinque sensi, regìa ad Jeremy Podeswa
1999 - Dal tramonto all'alba 3 - La figlia del boia (From Dusk Till Dawn 3: The Hangman's Daughter), regìa ad P. J. Pesce
2001 - I cavalieri che fecero l'impresa, regìa ad Pupi Avati
2001 - Texas Rangers, regìa ad Steve Miner e 'd Stephen Pattison
2003 - It's Better to Be Wanted for Murder Than Not to Be Wanted at All, regìa ad Marcel Sarmiento
2003 - C'era una volta in Messico (Once Upon a Time in Mexico), regìa ad Robert Rodriguez
2005 - Mary, regìa 'd Abel Ferrara
2005 - San Pietro, regìa ad Giulio Base – Film TV
2007 - Maradona - La mano de Dios, regìa ad Marco Risi
2008 - L'ultimo padrino, regìa ad Marco Risi – Film TV
2009 - Red Gold, regìa ad John Irvin
2012 - Il generale dei briganti, regìa ad Paolo Poeti e 'd Fabio Verzillo – Film TV
2013 - Cha cha cha, regìa ad Marco Risi
2014 - Anime nere, regìa ad Francesco Munzi
2016 - Ustica, regìa ad Renzo Martinelli
2016 - La ragazza del mondo, regìa ad Marco Danieli
2016 - The Space Between regìa dla Ruth Borgobello
2016 - Prigioniero della mia libertà, regìa ad Rosario Errico
2017 - Una famiglia, regìa ad Sebastiano Riso
2017 - Tutti i soldi del mondo (All the Money in the World), regìa ad Ridley Scott
2018 - Renata Fonte, regìa ad Fabio Mollo – Film TV
2018 - La banalità del crimine, regìa 'd Igor Maltagliati
2018 - Soledad, regìa dl'Agustina Macri
2019 - The Last Man, regìa ad Rodrigo H. Vila
2019 - Lucania - Terra sangue e magia, regìa ad Gigi Roccati
2019 - Aspromonte - La terra degli ultimi, regìa ad Mimmo Calopresti
2019 - In vino veritas (From the Vine), regìa ad Sean Cisterna
2019 - Martin Eden, regìa ad Pietro Marcello
2021 - Manant, regìa ad Max Leonida
2021 - American Night, regìa 'd Alessio Della Valle
2022 - Romanzo radicale, regìa ad Mimmo Calopresti
2022 - La Grande Guerra del Salento, regìa ad Marco Pollini
2022 - Padre Pio, regìa 'd Abel Ferrara
2023 - Io e mio fratello, regìa ad Luca Lucini
2023 - Hitmen, regìa ad Savvas D. Michael
2024 - Il mio posto è qui, regìa dla Daniela Porto e 'd Cristiano Bortone
2025 - Parikrama, regìa ad Goutam Ghose

Culegamènt estéran

(IT) Filmugrafìa in s'l IMDb