Manuela Velasco
|
C'l artìcul chè 'l è scrit in
Miranduléś |
.jpg)
La Manuela Velasco Díez (Madrìd, 23 'd Utóbar dal 1975) l'è n'atōra e preśentadōra spagnōla, anvōda dla Concha Velasco.
L'è cgnusùda par la part dla giurnalìsta Ángela Vidal in dal film ad scarésa Rec dal 2007, ch'al gh'à frutâ 'n Prèmi Goya, rōl ch'l'à pò fàt incóra in di sò séguit Rec 2 dal 2009 e Rec 4: Apocalypse (2014).
Fra i sò àtar film più impurtànt a 'rcurdém La legge del desiderio (1987), in du l'à fat la part dla putìna Ada a fiànc dla Carmen Maura e 'd Antonio Banderas, e Sant'Antonio di Padova, film par la televiśiòṅ itagliàna su la vita 'd Sant Antóni da Padva, interpetâ par Daniele Liotti.
Cuma atōra l'à laurâ dimóndi in série televiśìve spagnōli (cuma Géminis, venganza de amor, Aída, Velvet e Amar es para siempre) e anc a teàtar.
L'à anc preśentâ soquànt prugràma su 'l canàł Canal+ e anc Cuatro TV.