Manitòba
|
C'l artìcul chè 'l è scrit in
Miranduléś |
Al Manitòba (a s lèś /ˌmænɪˈtoʊbə/ in ingléś) 'l è na pruìnsa dal Cànada ch'la s cata in dal sèntar-sud dal paéś. Al sò mòt in latìn 'l è „Gloriosus et liber“ (Glurióś e lìbar). 'L è grand 649.950 km² e 'l mùcia sù un migliòṅ e dū 'd abitànt, dagnóra tut in dla sò parta meridiunàla. Al fà part dla cunfederasiòṅ da 'l 1870.
Al cunfìna c'n al Dakòta dal Nòrd e c'n al Minneśòta a sud (Stat Unî), c'n al Saskatchewan a òvest, c'n i Teritóri dal Nòrd-Òvest a nòrd-òvest (p'r un punt sōl), c'n al Nunavut a nòrd, cun la Baja 'd Hudson a nòrd-èst e cun 'l Untàri a èst.
Al sò caplōg 'l è Winnipeg ch'la fà sù siesènt-ssantamìla abitànt a 'l incìrca.
A 'l sò intér'n al gh'à tri lâg 'd àqua dólsa dimóndi grand che mis insém i fànan sù al 14,5% dla pruìnsa: al lâg Winnipeg, al lâg Manitòba e 'l lâg Winnipegosis. A nòrd i gh vìvan dimóndi ōrs pulàr.
Cla pruìnsa chè l'è famóśa in tut al mónd p'r al sò farìni ch'i vànan dimóndi bèṅ par far al paṅ. La sò ecunumìa la pōl cuntàr anc su l'agricultùra, su 'l turìśum, su 'l petròli e su i minerài.
.svg){kind=small}