Lucía y el sexo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Lucía y el sexo
Lucía y el sexo
Lucía y el sexo.png
L'Elena Anaya la fà la Belén in figùra dal film
La Lusìa e 'l sès
2001
Regìa: Julio Medem
Scritōr: Julio Medem
Atōr: Paz VegaTristán UlloaNajwa Nimri
Javier CámaraDaniel FreireCharo Zapardiel
Silvia LlanosDiana SuárezJuan Fernández
Elena AnayaMaría ÁlvarezJavier Coromina
Müsica: Alberto Iglesias
Léngua: SpagnōlIngléś
Dürä dal film: 128 minüt
Nasiōṅ: SpaggnaFrància


«
Cgnós'r-la a vōl dir amàr-la.»
(Tagline dal film)


Lucía y el sexo (La Lusìa e 'l sès) 'l è 'n drama eròtic dal 2001 ad Julio Medem ch'al 'l à anc scrit.

La pelìcula, giràda a Furmentéra e a Madrìd e candidàda a dódas Prèmi Goya, l'è divìśa in dū capìtui: „Lucía“ e „El Sexo“.

Sunt

Durànt na vacànsa a 'l mâr in na nòt ad Luna, un śōvan scritōr ad nóm Lorenzo (Tristán Ulloa) al ciùla in dl'àqua na ragàsa 'd Valénsia cgnusùda da pôc, l’Elena (Najwa Nimri), una ch'la pòrta avànti na pensiòṅ par turìsta e ch'la s divertìs a 'ndàr in chat.

Turnâ a Madrìd, dascurénd c'n al sò agìnt Pepe (Javier Cámara) in un risturànt, chi lò al cgnós na camaréra ciamàda Lucía (Paz Vega) e 'l taca na stòria 'd amōr sèg sénsa savēr che l’Elena, dòp cla gusàda là, l'à dâ a la luś na putìna ciamàda Luna (Silvia Llanos), sò fiōla. Un dè Lorenzo al taca na relasiòṅ ad sès cun la badànta dla putìna, na vacàsa ad nóm Belén (Elena Anaya) cun na màd'r incóra più rója 'd lē parchè la fà i film pòran (Diana Suárez). Na nòt, mént'r al scritōr e la Belén i èṅ in cambra da lèt, al caṅ ad chi lē al cópa la putìna.

Lorenzo al và in criśi, al fà fadìga a scrìv'r al lìbar nóṿ e anc cun la Lucía al ròbi i n vànan minga bèṅ. Un dè, dòp avér fat 'n incidènt in màchina, al sparìs. La Lucía la partìs p'r un viàś in n'ìśula dal Mediterràneo e la cgnós un sub ad nóm Carlos (Daniel Freire) ch'al dòrum in d'l hustèl dl’Elena ch'la dvènta sò amìga.

Culegamènt estéran