Lori Nelson

C'l artìcul chè 'l è scrit in Miranduléś

La Dixie Kay Nelson, cgnusùda méj cuma Lori Nelson (Santa Fe, 15 'd Agóst dal 1933 — Los Angeles, 23 'd Agóst dal 2020), l'è stada n'atōra americàna, a 'l cìnema e in televiśiòṅ.

Biugrafìa

Anvōda a la lunga dal generàł americàṅ John Pershing, la Lori Nelson la taca a recitàr da putìna in soquànti prudusiòṅ teatràli dal pòst, in dal Mèsic Nóṿ. Dòp ès'r-as laureàda a la Canoga Park High School in Califòrgna la vins un cuncōrs ad belésa, tacànd a lauràr da mudèla par pò firmàr un cintràt cun la Universal Pictures.

La fà 'l sò debùt a 'l cìnema c'n al western Là dove scende il fiume (1952) 'd Anthony Mann e in dal stés an la fà la part dla Barbara Atwood in Francis all'Accademia (1952) e qvél dla Rosie Kettle in dla cumèdia Ma and Pa Kettle at the Fair (1952), persuàǵ che pò la farà incóra tri an dòp in Ma and Pa Kettle at Waikiki (1955).

Dòp soquànti preśénsi in pelìculi western cuma I senza legge (1953) e La storia di Tom Destry (1954), la rècita a fiànc ad John Agar in dal fantasientìfic La vendetta del mostro (1955), séguit dla pelìcula Il mostro della laguna nera d'l an prima dvintâ un clàsic dal gènar. Sèmp'r in dal 1955 l'è in dal cast 'd Il mostro del pianeta perduto, atra pelìcula ch'la fà part ad cal filòṅ lè ad fantasiénsa pupulàra ch'l'andàva fòrt in di an Sinquànta, e ad Tutto finì alle sei insém a Jack Palance.

Fra i film vgnû dòp a 'rcurdém Mezzogiorno di... fifa (1956), penùltim lavōr dla còpia Dean Martin-Jerry Lewis, La principessa dei Moak (1956), insém a Scott Brady, e Ragazze senza nome (1957) in du la rècita cun la Mamie Van Doren in na pelìcula ch'la cònta di prubléma di śōvan dal tèmp.

Da la fiṅ di an Sinquànta in avànti la lavōra praticamènt sōl par la televiśiòṅ tulénd part a na stagiòṅ dal telefìlm How to Marry a Millionaire ispirâ a 'l film Come sposare un milionario cun la Marilyn Monroe, e pò incóra Tre nipoti e un maggiordomo (1971).

La sò ultma interpretasiòṅ l'è in dla cumèdia parudìa The Naked Monster dal 2005, fata cun quàtar sòld. L'è mòrta a utànta-sèt an in dla sò cà ad Porter Ranch quànd l'éra malàda da soquànt an dal mórb 'd Alzheimer.

Filmugrafìa

1952 - Là dove scende il fiume (Bend of the River), regìa 'd Anthony Mann
1952 - Ma and Pa Kettle at the Fair, regìa ad Charles Barton
1952 - Francis all'Accademia (Francis Goes to West Point), regìa 'd Arthur Lubin
1953 - Desiderio di donna (All I Desire), regìa ad Douglas Sirk
1953 - The All American, regìa ad Jesse Hibbs
1953 - Walking My Baby Back Home, regìa ad Lloyd Bacon
1953 - I senza legge (Tumbleweed), regìa ad Nathan Juran
1954 - La storia di Tom Destry (Destry), regìa ad George Marshall
1955 - Ma and Pa Kettle at Waikiki, regìa ad Lee Sholem
1955 - Il tesoro sommerso (Underwater!), regìa ad John Sturges
1955 - La vendetta del mostro (Revenge of the Creature), regìa ad Jack Arnold
1955 - Sogno d'amore (Sincerely Yours), regìa ad Gordon Douglas
1955 - Tutto finì alle sei (I Died a Thousand Times), regìa ad Stuart Heisler
1955 - Il mostro del pianeta perduto (Day the World Ended), regìa ad Roger Corman
1956 - La principessa dei Moak (Mohawk), regìa ad Kurt Neumann
1956 - Mezzogiorno di... fifa (Pardners), regìa ad Norman Taurog
1956 - Hot Rod Girl, regìa ad Leslie H. Martinson
1957 - Ragazze senza nome (Untamed Youth), regìa 'd Howard W. Koch
1957 - The Pied Piper of Hamelin, regìa ad Bretaigne Windust – film TV
1957 - Jeff Blain il figlio del bandito (Outlaw's Son), regìa dla Lesley Selander
1991 - Gaúcho Negro, regìa ad Jessel Buss
1994 - Assassinio in famiglia (Secret Sins of the Father), regìa ad Beau Bridges – film TV
1998 - Mom, Can I Keep Her?, regìa ad Fred Olen Ray
2005 - The Naked Monster, regìa ad Wayne Berwick e 'd Ted Newsom

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Lori Nelson