Loretta Goggi

Da Wikipedia.

C'l artìcul chè 'l è scrit in Miranduléś Emiliàn


«
Se per innamorarmi ancora tornerai, maledetta primavera, che imbroglio se per innamorarmi basta un'ora, che fretta c'era, maledetta primavera, che fretta c'era, se fa male solo a me.»
(ES)(Maledetta primavera, 1981)
«
Se p'r inamuràr-'m incóra at turnarà, primavéra maladìda, ag fargadùra se p'r inamuràr-um n'óra l'è abàsta, che présia a gh'éra, primavéra maladìda, che présia a gh'éra, s'a fà mâł sōl a mè.»
(MUD)
La Loretta Goggi tòlta śò in dal 1972


La Loretta Goggi (Róma, 29 ad Setémbar dal 1950), l'è na showgirl, atōra, cantànta, aṿtōra, ardupiadōra, imitadōra, balarìna e cundutōra televiśìva itagliàna.

In dla sò caréra l'à vins quàtar Telegàt e l'è stada numinàda a 'n Nàstar 'd Argìnt cuma atōra minga prutagunìsta dla pelìcula Gas. Inóltar l'à vins tri Disc 'd Òr p'r i pès Vieni via con me (1973), L'aria del sabato sera (1979) e Io nascerò (1986) e 'n Disc ad Plàtin par la canta Maledetta primavera, scrita par lē p'r Amerigo Cassella e par Totò Savio, braṅ ch'l è rivâ secónd a 'l Fèstival ad Sanremo dal 1981 dòp Per Elisa dla furlivéśa Alice.

C'n al sò prugràma Loretta Goggi in quiz (1983-1985) l'è stada la prima dóna a preśentàr un quiz in televiśiòṅ. Dòp na litgàda cun Mike Bongiorno a Miss Italia in dal 2007, l'è turnàda cun sucès in TV faghénd la giùdas in Tale e Quale Show ad Carlo Conti.

Fra i sò dupiàǵ famóś a 'rcurdém qvéi dal canarèṅ Titti e dal serbiàt Bambi méntar fra i telefìlm ch'l'à girâ a gh'è da sgnar Delìt e castîg e la La frésa négra.

La Loretta la gh'à na surèla famóśa più pìcula, la Daniela Goggi, showgirl anc lē, e l'è stada spuśàda c'n al balarèṅ e cureógrafar Gianni Brezza mòrt in dal 2011 dòp na vita insém.

Filmugrafìa

La Loretta e la Daniela Goggi
La Goggi a 'l inìsi di an Stanta

Discugrafìa

Àlbum

  • 1972 - Vieni via con me
  • 1973 - Formula 2
  • 1978 - Il ribaltone
  • 1979 - Estoy bailando cantado en español
  • 1981 - Il mio prossimo amore
  • 1981 - Stanno suonando la nostra canzone
  • 1982 - Pieno d'amore
  • 1986 - C'è poesia
  • 1987 - C'è poesia due
  • 1988 - Donna io donna tu
  • 1989 - Punti di vista
  • 1991 - Si faran... canzone
  • 1999 - Hello, Dolly! O.S.T.
  • 2007 - Se stasera sono qui O.S.T.
  • 2014 - Hermanas Goggi Remixed

Culegamènt estéran

Nòti