Lior Ashkenazi
|
C'l artìcul chè 'l è scrit in
Miranduléś |
Lior Louie Ashkenazi (Ramat Gan, 28 ad Dicémbar dal 1968, a s lèś [liˈoʁ aʃkeˈnazi] in Ebràic) 'l è 'n atōr, ardupiadōr, còmig e preśentadōr iśraeliàṅ, uriginàri dna famìja ebrèja ch'la daśvgnìva da la Turchìa e ch'l'è rivàda in Iśraēl in dal 1964. In dla sò caréra 'l è stâ bòṅ ad vìnsar tri Israeli Academy Award su siē candidadùri.
Al s è fat cgnós'r a 'l èstar recitànd in dla pelìcula preśentàda a 'l 54śum Fèstival ad Cannes Matrimonio tardivo (2001) faghénd la part 'd un studènt iśraeliàṅ put ad trént'un an ch'al gh'à da far i cònt c'n i sò genitōr a 'l antìga ch'i al vréva spuśâ in présia cun na dōna vìrgin e a mōd méntar lò 'l è inamurâ invéci in segrét dna maruchìna divursiàda e più vècia 'd lò.
In séguit a 'l ém vist in Camminando sull'acqua (2004), in di pagn d'n agìnt dal mossad, in dal drama Yossi, séguit ad Yossi & Jagger dal 2002 in dua da bisesuàł al vrév far un quèl a tri cun Ohad Knoller e na ragàsa, in dal thriller Big Bad Wolves - I lupi cattivi (2013), in di pagn 'd un pulisiòt ch'al li dà facilmènt in un film ch'l è dimóndi piaśû a Quentin Tarantino, in dal drama L'incredibile vita di Norman (2016), a fiànc ad Richard Gere, in dal stòrig 7 giorni a Entebbe (2018), in dua lò 'l à fat la part dal prim minìst'r iśraeliàṅ Yitzhak Rabin, e in dal biugràfic Golda (2023), pelìcula cun l'Helen Mirren e la Camille Cottin.
In televiśiòṅ 'l à recitâ in di telefìlm Shabatot VeHagim, Ha-Shir Shelanu, Ha-Emet Ha'Eroma, Good Family e Bat HaShoter.
Al gh'à abû dó fiōli, una da la sò prima mujēr, la senegiadōra Shira Farber, e una da la prudutōra Maya Amsellem.
Filmugrafìa
[mudéfica la surzéia]
- 2001 - Matrimonio tardivo (Hatuna Meuheret), regìa ad Dover Koshashvili
- 2003 - Ish HaHashmal, regìa 'd Eli Cohen
- 2003 - Sima Vaknin Machshefa, regìa ad Dror Shaul
- 2003 - A Gift from Above (Matana MiShamayim), regìa ad Dover Koshashvili
- 2004 - Camminando sull'acqua (Lalechet Al HaMaim), regìa 'd Eytan Fox
- 2006 - Melah Ha'arets, regìa 'd Uri Barbash
- 2006 - The Bubble (HaBuah), regìa 'd Eytan Fox
- 2007 - Rak Klavim Ratzim Hofshi, regìa 'd Arnon Zadok
- 2008 - Eli & Ben, regìa 'd Ori Ravid
- 2008 - Hello Goodbye, regìa ad Graham Guit
- 2009 - Ultimatum, regìa 'd Alain Tasma
- 2010 - Kalevet, regìa 'd Aharon Keshales e 'd Navot Papushado
- 2011 - Hearat Shulayim, regìa ad Joseph Cedar
- 2012 - Yossi, regìa 'd Eytan Fox
- 2013 - Cupcakes, regìa 'd Eytan Fox
- 2013 - Big Bad Wolves - I lupi cattivi (Big Bad Wolves), regìa 'd Aharon Keshales e 'd Navot Papushado
- 2013 - La dune, regìa ad Yossi Aviram
- 2014 - Encirclements, regìa ad Lee Gilat
- 2016 - L'incredibile vita di Norman (Norman: The Moderate Rise and Tragic Fall of a New York Fixer), regìa ad Joseph Cedar
- 2017 - The Wanderers: The Quest of The Demon Hunter, regìa ad Dragos Buliga
- 2017 - Foxtrot - La danza del destino (Foxtrot), regìa ad Samuel Maoz
- 2017 - Shelter, regìa 'd Eran Riklis
- 2018 - 7 giorni a Entebbe (Entebbe), regìa ad José Padilha
- 2019 - Esau, regìa ad Pavel Lungin
- 2021 - Od Sipur Echad, regìa ad Guri Alfi
- 2022 - Karaoke, regìa ad Moshe Rosenthal
- 2023 - Golda, regìa ad Guy Nattiv
- 2023 - The Covenant, regìa ad David Batty e 'd Ben Hilton
- 2024 - Cat's Luck, regìa ad Guy Amir e 'd Hanan Savyon
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Lior Ashkenazi
