Lino Capolicchio

C'l artìcul chè 'l è scrit in Miranduléś

Lino Capolicchio (Meràṅ, 21 'd Agóst dal 1943 - Róma, 3 ad Maǵ dal 2022, a s lèś [ˈliːno kapoˈlikkjo] in itagliàṅ) 'l è stâ 'n atōr, senegiadōr e regìsta itagliàṅ. Da 'l 1984 a 'l 1987 'l à insgnâ recitasiòṅ a 'l Sèntar sperimentàł ad cinematugrafìa ad Róma.

'L à tacâ a recitàr a la fîṅ di an Ssanta in pelìculi cuma 'l thriller Vergogna schifosi e 'l drama Metti, una sera a cena a fiànc ad Jean-Louis Trintignant, Tony Musante e la Florinda Bolkan.

In di an Stanta a 'l ém vist in dal drama ambintâ a Frara Il giardino dei Finzi Contini (1970), pelìcula cun la Dominique Sanda, Fabio Testi, Romolo Valli e Helmut Berger ch'la gh'à frutâ 'n Dàvid ad Dunatèl, in dal stòrig Mussolini ultimo atto (1974), cun Rod Steiger in di pagn ad Benito Mussolini e la Lisa Gastoni in qvéi dla Claretta Petacci, in dal drama eròtic Càlamo (1976), in dla part 'd un śōvan burghéś inamurâ dla Valeria Moriconi che pò al s unìs a 'n grup 'd hippy, in dal śal padàṅ La casa dalle finestre che ridono (1976), al prim di sèt film girâ cun Pupi Avati, e in dal thriller Solamente nero (1978), in còpia cun la Stefania Casini.

Fra i sò àtar lavōr più impurtànt a 'rcurdém al spurtìṿ Ultimo minuto (1987), cun prutagunìsta Ugo Tognazzi, al drama Fratelli e sorelle (1992), in dla part 'd un marè ch'al mét i còran a sò mujēr Anna Bonaiuto, al film cun l'Asia Argento e Michel Piccoli Compagna di viaggio (1996), e Una sconfinata giovinezza (2010), drama cun la Francesca Neri e Fabrizio Bentivoglio.

Cuma regìsta 'l à dirèt Pierfrancesco Favino in dal drama spurtìṿ Pugili (1995) e Urbano Barberini in dal biugràfic Il diario di Matilde Manzoni (2002).

Capolicchio 'l à laurâ da spés anc a teàtar purtànd di tèst ad Carlo Goldoni, William Shakespeare, Leonardo Sciascia, Arthur Miller, Tennessee Williams e Edgar Allan Poe.

Filmugrafìa

1967 - La bisbetica domata (The Taming of the Shrew), regìa ad Franco Zeffirelli
1968 - Escalation, regìa ad Roberto Faenza
1969 - Brodo di pollo con l'orzo, regìa ad Flaminio Bollini – Film TV
1969 - I giorni dei Turbin, regìa 'd Edmo Fenoglio – Film TV
1969 - Vergogna schifosi, regìa ad Mauro Severino
1969 - Metti, una sera a cena, regìa ad Giuseppe Patroni Griffi
1969 - Il giovane normale, regìa ad Dino Risi
1970 - Il giardino dei Finzi Contini, regìa ad Vittorio De Sica
1970 - Le tue mani sul mio corpo, regìa ad Brunello Rondi
1971 - Mio padre monsignore, regìa 'd Antonio Racioppi
1972 - Un apprezzato professionista di sicuro avvenire, regìa ad Giuseppe De Santis
1972 - D'amore si muore, regìa ad Carlo Carunchio
1972 - Corpo d'amore, regìa ad Fabio Carpi
1973 - Amore e ginnastica, regìa ad Luigi Filippo D'Amico
1974 - Mussolini ultimo atto, regìa ad Carlo Lizzani
1974 - Di mamma non ce n'è una sola, regìa 'd Alfredo Giannetti
1975 - L'ultimo giorno di scuola prima delle vacanze di Natale, regìa ad Gian Vittorio Baldi
1976 - Càlamo, regìa ad Massimo Pirri
1976 - La legge violenta della squadra anticrimine, regìa ad Stelvio Massi
1976 - La casa dalle finestre che ridono, regìa ad Pupi Avati
1977 - Il guardiano, regìa 'd Edmo Fenoglio – Film TV
1978 - Solamente nero, regìa 'd Antonio Bido
1979 - Le strelle nel fosso, regìa ad Pupi Avati
1980 - Il leone del deserto (Lion of the Desert), regìa ad Moustapha Akkad
1980 - Il mondo degli ultimi, regìa ad Gian Butturini
1982 - Canto d'amore, regìa dl'Elda Tattoli
1984 - Noi tre, regìa ad Pupi Avati
1986 - Die Walsche, regìa ad Werner Masten – Film TV
1987 - Ultimo minuto, regìa ad Pupi Avati
1992 - Fratelli e sorelle, regìa ad Pupi Avati
1992 - Il giardino dei ciliegi, regìa 'd Antonello Aglioti
1993 - Fiorile, regìa ad Paolo e Vittorio Taviani
1996 - Compagna di viaggio, regìa ad Peter Del Monte
1997 - Porzûs, regìa ad Renzo Martinelli
1998 - L'elefante bianco, regìa ad Gianfranco Albano – Film TV
1999 - Il tempo dell'amore, regìa ad Giacomo Campiotti
2000 - Un delitto impossibile, regìa 'd Antonello Grimaldi
2001 - L'accertamento, regìa ad Lucio Lunerti
2002 - Il sequestro Soffiantini, regìa ad Riccardo Milani – Film TV
2002 - Il diario di Matilde Manzoni, regìa ad Lino Capolicchio
2005 - L'eretico - Un gesto di coraggio, regìa ad Piero M. Benfatti
2009 - Aller-retour, regìa ad Mohammed Hamra
2010 - Una sconfinata giovinezza, regìa ad Pupi Avati
2014 - L'altro Adamo, regìa ad Pasquale Squitieri
2014 - Fuori mira, regìa 'd Erik Bernasconi
2018 - Respiri, regìa 'd Alfredo Fiorillo
2019 - Il signor Diavolo, regìa ad Pupi Avati

Culegamènt estéran

Àtar prugèt

Wikimedia Commons contiene file multimediali su Lino Capolicchio