Linda Darnell
|
C'l artìcul chè 'l è scrit in
Miranduléś |
La Monetta Eloyse Darnell, cgnusùda méj cuma Linda Darnell (Dàllas, 16 'd Utóbar dal 1923 - Chicago, 10 'd Avrìl dal 1965, a s lèś [ˈlɪndə dɑːrˈnɛl] in ingléś), l'è stada n'atōra americàna, star dla 20th Century Fox fra i an Quarànta e in an Sinquànta. La gh'à na stéla in dla Hollywood Walk of Fame e l'éra cgnusùda cuma la “ragàsa da la ghigna parfèta”.
L'à fat al sò debùt a 'l cìnema in dal 1939 a quìnd'ś an c'n al film Hotel for Women in di pagn dna ragàsa 'd pruìnsa ciamàda Marcia ch'la riva a New York par métar-'s incóra insém a 'l sò vèć muróś James Ellison par pò réndar-'s cònt che chi lò al pénsa sōl a 'l sò lavōr e ch'al s véd cun dgl'atri dóni. Sèmp'r in c'l an lè l'à laurâ insém a Tyrone Power in dla cumèdia Moglie di giorno.
In di an Quarànta a l'ém vista in dla cumèdia Passione di amazzoni (1940), cun prutagunìsta Henry Fonda, in dal drama Sangue e arena (1941), a fiànc dla Rita Hayworth e 'd Tyrone Power, in dal fantàstic Avvenne domani (1944), in dla part dna sensitìva ch'la lavóra in un cîrc, in dal pulisiésc Temporale d'estate (1944), in prèst a la United Artists, in dal noir Nelle tenebre della metropoli (1945), cun George Sanders, in dal western Sfida infernale (1946), cun Henry Fonda in di pagn ad Wyatt Earp, e in dal drama Ambra (1947), in du la s è fata biónda par l'ucaśiòṅ.
La gh'à abû na relasiòṅ sentimentàla c'n al regìsta Joseph L. Mankiewicz ch'al l'à dirèta in dla cumèdia Lettera a tre mogli (1949), in còpia cun Kirk Douglas, e in dal drama Uomo bianco, tu vivrai! (1950), film cun Sidney Poitier in dla part 'd un mèdag ch'al gh'à da far i cònt c'n al rasìśum. In séguit l'à catâ spasi in dal western Due bandiere all'ovest (1950), in còpia cun Joseph Cotten, in dal noir La penna rossa (1951), arfacimènt 'd al film francéś Il corvo, in dla cumèdia dramàtica Elena paga il debito (1951), cun la regìa ad Douglas Sirk, e in dal pulisiésc Duello sulla Sierra Madre (1953), insém a Robert Mitchum.
Vèrs la fîṅ dla sò caréra, dòp èsar stada dascargàda da la 20th Century Fox, l'à girâ dū film in Itàglia ad Giuseppe Amato: Donne proibite (1954), cun la Valentina Cortese, la Giulietta Masina e Anthony Quinn, e Gli ultimi cinque minuti (1955), cun Vittorio De Sica e Rossano Brazzi.
L'è mòrta a quarant'un an bruśàda viva in dla cà dla sò èx segretària ch'l'à ciapâ fōg par via dna sigaréta.
Filmugrafìa
- 1939 - Hotel for Women, regìa ad Gregory Ratoff
- 1939 - Moglie di giorno (Day-Time Wife), regìa ad Gregory Ratoff
- 1940 - La via delle stelle (Star Dust), regìa ad Walter Lang
- 1940 - La grande missione (Brigham Young), regìa 'd Henry Hathaway
- 1940 - Il segno di Zorro (The Mark of Zorro), regìa ad Rouben Mamoulian
- 1940 - Passione di amazzoni (Chad Hanna), regìa 'd Henry King
- 1941 - Sangue e arena (Blood and Sand), regìa ad Rouben Mamoulian
- 1941 - Rise and Shine, regìa 'd Allan Dwan
- 1942 - The Loves of Edgar Allan Poe, regìa 'd Harry Lachman
- 1943 - Città senza uomini (City Without Men), regìa ad Sidney Salkow
- 1943 - Bernadette (The Song of Bernadette), regìa 'd Henry King
- 1944 - Buffalo Bill, regìa ad William A. Wellman
- 1944 - Avvenne domani (It Happened Tomorrow), regìa ad René Clair
- 1944 - Temporale d'estate (Summer Storm), regìa ad Douglas Sirk
- 1944 - Sweet and Low-Down, regìa 'd Archie Mayo
- 1945 - Nelle tenebre della metropoli (Hangover Square), regìa ad John Brahm
- 1945 - Il gigante di Boston (The Great John L.), regìa ad Frank Tuttle
- 1945 - Un angelo è caduto (Fallen Angel), regìa 'd Otto Preminger
- 1946 - Anna e il re del Siam (Anna and the King of Siam), regìa ad John Cromwell
- 1946 - Bellezze rivali (Centennial Summer), regìa 'd Otto Preminger
- 1946 - Sfida infernale (My Darling Clementine), regìa ad John Ford
- 1947 - Ambra (Forever Amber), regìa 'd Otto Preminger
- 1948 - Le mura di Gerico (The Walls of Jericho), regìa ad John M. Stahl
- 1948 - Infedelmente tua (Unfaithfully Yours), regìa ad Preston Sturges
- 1949 - Lettera a tre mogli (A Letter to Three Wives), regìa ad Joseph L. Mankiewicz
- 1949 - Furia dei tropici (Slattery's Hurricane), regìa 'd André De Toth
- 1949 - Se mia moglie lo sapesse (Everybody Does It), regìa 'd Edmund Goulding
- 1950 - Uomo bianco, tu vivrai! (No Way Out), regìa ad Joseph L. Mankiewicz
- 1950 - Due bandiere all'ovest (Two Flags West), regìa ad Robert Wise
- 1951 - La penna rossa (The 13th Letter), regìa 'd Otto Preminger
- 1951 - The Guy Who Came Back, regìa ad Joseph M. Newman
- 1951 - Elena paga il debito (The Lady Pays Off), regìa ad Douglas Sirk
- 1952 - L'isola del peccato (Saturday Island), regìa ad Stuart Heisler
- 1952 - Notte di perdizione (Night Without Sleep), regìa ad Roy Ward Baker
- 1952 - Il pirata Barbanera (Blackbeard, the Pirate), regìa ad Raoul Walsh
- 1953 - Duello sulla Sierra Madre (Second Chance), regìa ad Rudolph Maté
- 1954 - Donne proibite, regìa ad Giuseppe Amato
- 1954 - L'amante proibita (This Is My Love), regìa ad Stuart Heisler
- 1955 - Gli ultimi cinque minuti, regìa ad Giuseppe Amato
- 1956 - L'agguato delle cento frecce (Dakota Incident), regìa ad Lewis R. Foster
- 1957 - Ora zero (Zero Hour!), regìa 'd Hall Bartlett
- 1963 - I leoni di Castiglia (El valle de las espadas), regìa ad Javier Setó
- 1965 - Lo sperone nero (Black Spurs), regìa ad R.G. Springsteen
Culegamènt estéran
Àtar prugèt
Wikimedia Commons contiene file multimediali su Linda Darnell
