Lillo Brancato

C'l artìcul chè 'l è scrit in Miranduléś

Lillo Brancato Jr., nâ Saúl Rodríguez (Bugutà, 30 'd Agóst dal 1976), 'l è 'n atōr americàṅ, nâ in Culómbia e adutâ a quàtar méś da na còpia italo-americàna 'd New York uriginària dla Basitàglia, Lillo Brancato Sr. e la Domenica.

'L à fat al sò debùt a 'l cìnema a darsèt an par caś (un talent scout al 'l iva vist nudàr in dla Spiàgia Jones ad New York faghénd a mènt ch'al sumiliàva dimóndi a Robert De Niro) tulénd part cun sucès a 'l film dramàtic Bronx (1993) in dal rōl dal fiōl ad De Niro, Calogero Aniello, ch'al s fà amìg c'n al gangster Sonny (Chazz Palminteri). In séguit a 'l ém vist in di thriller 'd asiòṅ Allarme rosso (1995) in dla part dal tenènt Dougherty a fiànc ad Denzel Washington e 'd Gene Hackman e pò incóra in Nemico pubblico (1998), cun Will Smith, Jon Voight e incóra Gene Hackman, tut dū par la regìa ad Tony Scott.

In dal 2001 'l è stâ prutagunìsta dal film dramàtic Il nostro Natale dirèt p'r Abel Ferrara in dal méntar ch'l éra drē a giràr la série televiśìva I Soprano faghénd la part dal śōvan mafióś Matthew Bevilaqua.

In dal 2005 Brancato al gh'à abû dimóndi prubléma cun la giustìsia. In Śugn di pulisiòt ch'i 'l aṅ farmâ mént'r al guidàva c'n un fanàł śmòrs i gh'aṅ catâ in màchina quàtar sachét 'd eruìna.

Siē méś dòp, in dal méntar ch'l éra drē a far na rubarìa in na cà in dal quartēr dal Bronx insém a Steven Armento, pàdar dla sò muróśa Stefanie, un pulisiòt fóra servìsi, Daniel Enchautegui, ch'l éra rivâ lè sinténd di vēdar śbragàr-as 'l è stâ cupâ dòp un scón'r a fōg. Durànt al prucès 'l è saltâ fóra ch'a sparàr 'l è stâ Armento (ch'al finirà i sò dè in parśòṅ murénd in dal 2024) méntar Lillo 'l è stâ cundanâ a déś an p'r al furt tintâ. Purtâ in dal penitensiàri ad Rome, Brancato 'l è andâ in a risć ad murìr par n'overdose 'd eruìna, prima 'd èsar lasâ lìbar al 31 ad Dicémbar dal 2013.

'D in alóra 'l à tintâ cun pôca furtùna ad turnàr a lauràr in dal mónd dal cìnema, catànd spasi sōl in pelìculi minóri.

Filmugrafìa

1993 - Bronx (A Bronx Tale), regìa ad Robert De Niro
1994 - Mezzo professore tra i marines (Renaissance Man), regìa ad Penny Marshall
1995 - Allarme rosso (Crimson Tide), regìa ad Tony Scott
1996 - Firehouse, regìa ad John McNaughton e 'd Alan Smithee - Film TV
1998 - Provocateur - La spia (Provocateur), regìa ad Jim Donovan
1998 - Nemico pubblico (Enemy of the State), regìa ad Tony Scott
1999 - Partita col destino (The Florentine), regìa ad Nick Stagliano
2000 - Blue Moon, regìa ad John A. Gallagher
2000 - Mambo Café, regìa ad Reuben Gonzalez
2000 - Table One, regìa ad Michael Bregman
2001 - Sticks, regìa ad Brett Mayer
2001 - Il nostro Natale ('R Xmas), regìa 'd Abel Ferrara
2001 - The Specialist (In the Shadows), regìa ad Ric Roman Waugh
2001 - HRT, regìa 'd Andrzej Bartkowiak - Film TV
2002 - Pluto Nash (The Adventures of Pluto Nash), regìa ad Ron Underwood
2002 - Real Deal - Patto Di Sangue (The Real Deal), regìa ad Tom Burruss
2004 - Downtown: A Street Tale, regìa ad Rafal Zielinski
2005 - Slingshot, regìa ad Jay Alaimo
2005 - Searching for Bobby D, regìa ad Paul Borghese
2007 - Saturday Morning, regìa ad Rob Greenberg
2016 - Back in the Day, regìa ad Paul Borghese
2016 - Vamp Bikers Tres, regìa 'd Eric Spade Rivas
2017 - Dead on Arrival, regìa ad Stephen Cyrus Sepher
2018 - King of Newark 2, regìa ad Jamal Hall
2019 - The Fearless Two, regìa ad Jamal Hall
2020 - 5th Borough, regìa ad Steve Stanulis
2021 - Monsters of Mulberry Street, regìa ad John Abrahante
2021 - Made in Mexico, regìa ad Ronli Forcell e 'd Rodney Rinks
2022 - Sleepyhead, regìa ad James Hilger

Culegamènt estéran

(IT) Filmugrafìa in s'l IMDb

Àtar prugèt

Wikiquote contiene citazioni di o su Lillo Brancato
Wikimedia Commons contiene file multimediali su Lillo Brancato