Lillian Gish
|
C'l artìcul chè 'l è scrit in
Miranduléś |
.jpg)
La Lillian Diana Gish (Springfield, 14 'd Utóbar dal 1893 - New York, 27 ad Favràr dal 1993, a s lèś [ˈlɪliən ɡɪʃ] in ingléś), l'è stada n'atōra americàna, dimóndi famóśa a i tèmp dal cìnema mut quànd la gh'iva 'n ligàm dimóndi stric e impurtànt c'n al regìsta David Wark Griffith ch'l à laurâ sèg in ssanta pelìculi a 'l incìrca. La gh'à na stéla in dla Hollywood Walk of Fame.
La gh'à abû na caréra dimóndi lunga, ad dagnóra stanta-sinc an, in dua l'à laurâ anc a teàtar e cuma prudutōra a la United Artists. L'à recitâ in na vintìna ad film sunôr in pelìculi cuma 'l western Duello al sole (1946), cun prutagunìsta Joseph Cotten, al drama La tela del ragno (1955), cun Richard Widmark e la Lauren Bacall, al noir La morte corre sul fiume (1955), c'n un straurdinàri Robert Mitchum in dla part dal catìṿ, la cumèdia dramàtica Un matrimonio (1978), in dua la mōr prima dal matrimòni ad sò anvōd Desi Arnaz Jr., e 'l drama Le balene d'agosto (1987), al sò ùltim lavōr a 'l cìnema, a fiànc dla Bette Davis e 'd Vincent Price.
In dal 1999 'l American Film Institute al l'à misa a 'l 17śum pòst in dla lista dal più grandi star dla stòria.
Culegamènt estéran
Àtar prugèt
Wikimedia Commons contiene file multimediali su Lillian Gish
