Liberto Rabal
|
C'l artìcul chè 'l è scrit in
Miranduléś |
Francisco Liberto Rabal Cerezales, cgnusû méj cuma Liberto Rabal (Róma, 30 ad Maǵ dal 1975), 'l è 'n atōr e regìsta spagnōl, anvōd ad Francisco Rabal e dl'Asunción Balaguer.
Dòp avēr recitâ da śōva'n in dal film I santi innocenti e pò in atri pelìculi cichi, in dal 1997 al vîṅ candidâ sénsa vìns'r a 'l Prèmi Goya cuma atōr rivelasiòṅ par la part ad Manuel in Tranvía a la Malvarrosa ad José Luis García Sánchez.
Sèmp'r in c'l an lè Rabal al s fà cgnós'r anc a livèl internasiunàł faghénd al prutagunìsta in dal film Carne trémula ad Pedro Almodóvar, pelìcula cun la Francesca Neri, Javier Bardem e la Penélope Cruz.
Da 'l 1999 a 'l 2001 al lavóra in Itàglia tulénd part prima a Mare largo ad Ferdinando Vicentini Orgnani, pelìcula cun Claudio Amendola e l'Isabella Ferrari, e pò a I giorni dell'amore e dell'odio in dua 'l è 'l fradèl ad Daniele Liotti, òṅ al cumbàt p'r i tedésc e òṅ par gl'itagliàṅ. In cla pelìcula chè i càtan spasi anc Ricky Tognazzi e Ugo Pagliai.
Da i an Dumìla in avànti 'l à anc laurâ a teàt'r e in televiśiòṅ e a di film in Spaggna e Frància.
L'è spuśâ cun la culéga Adriana Davidova.
Filmugrafìa
[mudéfica la surzéia]cuma Atōr
[mudéfica la surzéia]
- 1984 - I santi innocenti (Los santos inocentes), regìa ad Mario Camus
- 1986 - El hermano bastardo de Dios, regìa ad Benito Rabal
- 1995 - Así en el cielo como en la tierra, regìa ad José Luis Cuerda
- 1996 - Alma gitana, regìa ad Chus Gutiérrez
- 1996 - Pon un hombre en tu vida, regìa dl'Eva Lesmes
- 1996 - Más que amor, frenesí, regìa 'd Alfonso Albacete, Miguel Bardem e David Menkes
- 1996 - Tranvía a la Malvarrosa, regìa ad José Luis García Sánchez
- 1997 - El tiempo de la felicidad, regìa ad Manuel Iborra
- 1997 - Carne trémula, regìa ad Pedro Almodóvar
- 1999 - Mare largo, regìa ad Ferdinando Vicentini Orgnani
- 2001 - I giorni dell'amore e dell'odio, regìa ad Claver Salizzato
- 2001 - Tangos volés, regìa 'd Eduardo de Gregorio
- 2001 - Las noches de Constantinopla, regìa 'd Orlando Rojas
- 2002 - Todo menos la chica, regìa ad Jesús R. Delgado
- 2005 - W.C., regìa 'd Enio Mejía
- 2008 - ¡Soy un pelele!, regìa 'd Hernán Migoya
- 2014 - Huidas, regìa dla Mercedes Gaspar
- 2018 - Jump, regìa ad Liberto Rabal
cuma Regìsta
[mudéfica la surzéia]Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Liberto Rabal
Wikimedia Commons contiene file multimediali su Liberto Rabal
