Let's Go to Prison - Un principiante in prigione
|
C'l artìcul chè 'l è scrit in
Miranduléś |
 Let's Go to Prison | ||
| Let's Go to Prison - Un principiante in prigione | ||
 Will Arnett e Dax Shepard in na figùra dal film | ||
| Andéma in parśòṅ - Un prinsipiànt in parśòṅ 2006 | ||
|---|---|---|
| Regìa: Bob Odenkirk | ||
| Scritōr: Robert Ben Garant • Thomas Lennon Michael Patrick Jann • Jim Hogshire | ||
| Atōr: Will Arnett • Dax Shepard • Chi McBride David Koechner • Dylan Baker • Miguel Nino Michael Shannon • Jay Whittaker • Amy Hill | ||
| Müsica: Alan Elliott | ||
| Léngua: Ingléś | ||
| Dürä dal film: 84 minüt | ||
| Nasiōṅ: Stat Unî | ||
Let's Go to Prison - Un principiante in prigione (Andéma in parśòṅ - Un prinsipiànt in parśòṅ) l'è na cumèdia americàna dal 2006 ad Bob Odenkirk.
In dal film a s sènt da spés la canta Move This di Technotronic ch'la fà part dla culòna sunóra dla pelìcula acsè cuma Ain't That a Kick in the Head ad Dean Martin e Nessun Dorma ad Giacomo Puccini.
Custâ quàtar migliòṅ ad dòlar, al film 'l à pò fat sù praticamènt àtar tant, giùst un cicinèṅ da piò.
Sunt
[mudéfica la surzéia]Dòp èsar stâ mandâ dèntar soquànti vòlti p'r al giùdas Nelson Biederman III (David Darlow), al delinquènt John Lyshitski (Dax Shepard) al decìd ad far-'g-la pagàr na vòlta lìbar. Purtròp par lò però al giùdas al mōr tri dè prima dla sò scarcerasiòṅ. Al śōvan al decìd acsè ad far-la cagàr s'al fus in bras a Dio a sò fiōl Nelson Biederman IV (Will Arnett), presidènt dla fundasiòṅ ad sò pàdar. John al s mōṿ par far-'l arestàr, strulgànd na trapla dasfrutànd al fat ch'al gh'à di prubléma 'd aśma, e pò dòpa al fà àtar tant cun lò in manéra 'd finìr in dla stésa séla, ślungànd di bèsi a 'n agìnt ad pulisìa.
Na vòlta in parśòṅ John al gh fà pruàr da tut lè dèntar cuma far-al piciàr da i óm dal suprematìsta biànc Lynard (Michael Shannon) o “vénd'r-al” a 'n umòṅ 'd culōr grand e grôs dapartùt, Barry (Chi McBride), ch'al gh'iva butâ gl'òć adòs e ch'al vrév cutrìnś'r-al a dvintàr al sò amànt piàṅ pianèṅ.