Le mani della notte

Da Wikipedia.

C'l artìcul chè 'l è scrit in Miranduléś Emiliàn

Past Midnight
Le mani della notte

Rutger Hauer in na figùra dal film
Al maṅ dla nòt
1991
Regìa: Jan Eliasberg
Scritōr: Frank Norwood
Atōr: Rutger HauerNatasha Richardson
Clancy BrownKibibi MonieDana Eskelson
Müsica: Steve Bartek
Léngua: Ingléś
Dürä dal film: 100 minüt
Nasiōṅ: Stat Unî


«
Dòp meśanòt i sàltan fóra da 'l scûr par strìnś'r in dal mursét dla paùra.»
(Tagline dal film)


Le mani della notte (Al maṅ dla nòt) 'l è 'n thriller americàṅ dal 1991 dla Jan Eliasberg scrit par Frank Norwood e pò mis a pòst a la fiṅ par Quentin Tarantino, chè a la sò prima próa 'd scritōr anc se minga acreditâ.

'L è stâ girâ in dal stat ad Washington.

Sunt

La psicòluga Laura Mathews (Natasha Richardson) par mistēr la fà anc l'asistènta suciàla e la gh'à na relasiòṅ “platònica” c'n al sò culéga Steve Lundy (Clancy Brown). Un dè 'l ufisiàł Lee Samuels (Tom Wright) al gh dà da tgnir adrē Ben Jordan (Rutger Hauer), 'n óm in libertà vigilàda dòp ch'al s è fat quìnd'ś an ad parśòṅ p'r avēr cupâ a scurtlàdi, a dita di giùdas, sò mujér ch'la spetàva 'n putèṅ fra 'l àtar. A gh'è 'n vìddeo ch'al 'l inciòlda.

Dascurénd sèg la dóna la taca a 'vér di dubi ch'al 'l àppia fat dabòṅ, inóltar la fà qvél ch'na psicòluga la n gh'arév mai da far c'n i sò pasiènt, qvél 'd andàr a lèt sèg. Tut i sò amìg i próan a métar-la su 'l aténti ma lē la n scólta ninsòṅ, pèś 'd un bric.

In dal gir ad pôc tèmp però 'l sasèṅ al s fà viṿ incóra e la Laura, ch'l'à catâ 'l bras scavśâ via dal pòvar Steve c'n in maṅ dal róśi, la taca a crédar ch'al pòsa èsar pròpria Ben.

Culegamènt estéran