Las dal parsèl
|
C'l artìcul chè 'l è scrit in
Miranduléś |
Al las dal parsèl, cgnusû anc cuma strangulacàṅ, 'l è 'n gróp ch'a s fà a na còrda o a na sóga in dua da na banda a gh'è na ciaparìna piutòst mulàda a fórma 'd sìrcul, in dal mèś a gh'è la córda tuta intursàda c'n al sò cô ch'al gh armàgn insfilsâ dèntar, e da cl'atra banda al bàndul.
'L è fat in manéra che quànd la còrda l'è tiràda bèṅ da la banda dla ciaparìna, al gróp al s strinś fòrt. Par cal mutìṿ chè, al las dal parsèl 'l è druâ p'r impicàr la gint, miténd la tèsta dal cundanâ in dla ciaparìna. C'n al pēś dla parsòna ch'al tira vèrs al bas, al gróp al ténd a stricàr-as dimóndi, faghénd presiòṅ su 'l còl dla vitma.