Lara Parker
|
C'l artìcul chè 'l è scrit in
Miranduléś |
La Mary Lamar Rickey, cgnusùda méj cuma Lara Parker (Knoxville, 27 'd Utóbar dal 1933 - Topanga, 12 'd Utóbar dal 2023, a s lèś [ˈlɑːrə ˈpɑːrkər] in ingléś), l'è stada n'atōra americàna.
Uriginària dal Tennessee, la Parker l'è carsùda a Memphis par pò laureàr-'s in létri a 'l Rhodes College c'n anc un master in dl'art dal dascórar e teàt'r a l'Università d'l Iowa. In séguit l'à tacâ a recitàr faghénd al sò debùt a 'l cìnema in dal 1970 tulénd part a la cumèdia Hi, Mom! a fiànc ad Robert De Niro. 'L an dòp l'è la vòlta dal film ad scarésa La casa delle ombre maledette mént'r in dal 1973 a l'ém vista in dal drama Salvate la tigre cun prutagunìsta Jack Lemmon. In dal 1983 l'à recitâ in dal drama Foxfire Light insém a Leslie Nielsen e a la Tippi Hedren.
In dal 2012 Tim Burton al l'à ciamàda par la sò cumèdia fantàstica ad scarésa Dark Shadows, cun prutagunìsta Johnny Depp, prima 'd far la Madame Carrozza in di thriller Doctor Mabuse (2013) e in Doctor Mabuse: Etiopomar (2014). Al sò ùltim film (pòstum) 'l è stâ la cumèdia dramàtica The Great Nick D (2024) cun Nathan Wilson.
In televiśiòṅ l'à catâ spasi in dal série televiśìvi Dark Shadows, in du l'à fat la part dla stria Angelique Bouchard Collins par 269 puntàdi, Agenzia Rockford, Pepper Anderson agente speciale, L'uomo da sei milioni di dollari, Il tenente Kojak, Autostop per il cielo e Palm Springs - Operazione amore.
L'è mòrta ad càncar ch'la gh'iva utànta-quàt'r an.
Filmugrafìa
- 1970 - Hi, Mom!, regìa ad Brian De Palma
- 1970 - April in the Wind, regìa 'd Allan Foshko
- 1971 - La casa delle ombre maledette (Night of Dark Shadows), regìa ad Dan Curtis
- 1973 - Salvate la tigre (Save the Tiger), regìa ad John G. Avildsen
- 1974 - Airport 75, regìa ad Jack Smight
- 1975 - In corsa con il diavolo (Race with the Devil), regìa ad Jack Starrett
- 1977 - L'incredibile Hulk (The Incredible Hulk), regìa ad Kenneth Johnson - Film TV
- 1979 - La sindrome di Lazzaro (The Lazarus Syndrome), regìa ad Jerry Thorpe - Film TV
- 1980 - C'era una volta una famiglia (Once Upon a Family), regìa ad Richard Michaels - Film TV
- 1983 - Foxfire Light, regìa 'd Allen Baron
- 1990 - Non fermarti a China Lake (The China Lake Murders), regìa 'd Alan Metzger - Film TV
- 2012 - Dark Shadows, regìa ad Tim Burton
- 2013 - Doctor Mabuse, regìa 'd Ansel Faraj
- 2014 - Doctor Mabuse: Etiopomar, regìa 'd Ansel Faraj
- 2024 - The Great Nick D, regìa 'd Ansel Faraj e 'd Nathan Wilson