Lamberto Bava
|
C'l artìcul chè 'l è scrit in
Miranduléś |
Lamberto Bava (Róma, 3 'd Avrìl dal 1944) 'l è 'n regìsta, senegiadōr, atōr e 'n prudutōr ad film itagliàṅ. Cuma sò pàdar Mario Bava 'l à fat caréra girànd di film ad scarésa, òṅ fat insém in dal 1978, La Venere d'Ille, lavōr par la televiśiòṅ ch'al fava part dal prugèt I giochi del diavolo.
In soquànt film di an Utànta al s è firmâ John Old Jr..
Biugrafìa
Bava al fà 'l sò debùt da regìsta in dal 1980 girànd Macabro. La pelìcula, trata da na senegiadùra 'd Antonio e Pupi Avati, l'è vgnuda fóra in dal sali dū méś prima ch'a murìs sò pàdar Mario. 'L an dòp al taca na lunga culaburasiòṅ cun Dario Argento, faghénd-ag pò da asistènt in dal thriller dal 1982 Tenebre.
In dal 1983 Lamberto al gira La casa con la scala nel buio prudót par Luciano Martino e interpretâ da 'n śōvan Andrea Occhipinti. In dla mità di an Utànta Argento al gh fà da prudutōr p'r i film ad sucès Dèmoni e Dèmoni 2... L'incubo ritorna. Anc al sò thriller eròtic dal 1987 Le foto di Gioia, cun la Serena Grandi, la Sabrina Salerno, la Capucine e la Daria Nicolodi, al cata 'l gust dal pùblic.
A la fiṅ di an Utànta al gira di film ad scarésa par la Mediaset: A cena col vampiro, Una notte al cimitero, Per sempre e La casa dell'orco par la série Brivido giallo e Il maestro del terrore, Il gioko, L'uomo che non voleva morire e Testimone oculare par la série Alta tensione. Par la Rai al gira invéci i prim siē epiśòdi dal série televiśìva Turno di notte, pinsàda e superviśiunàda par Dario Argento p'r al prugràma Giallo 'd Enzo Tortora.
In dal 1992 al gira 'l film Body Puzzle cun prutagunìsta la Joanna Pacuła e pò al taca a far dal fiction par la televiśiòṅ cuma 'l sinc stagiòṅ ad Fantaghirò, Desideria e l'anello del drago, La principessa e il povero, Caraibi e L'impero.
Par la rivìsta Nocturno 'l à tgnû adrē a la rubrìca I nocturniani.
Filmugrafìa
cuma Regìsta
- 1975 - La casa dell'esorcismo (The House of Exorcism), insém a Mario Bava e a Alfredo Leone (sōl soquànti séni)
- 1977 - Shock, insém a Mario Bava (sōl soquànti séni)
- 1978 - La Venere d'Ille, insém a Mario Bava – film TV
- 1980 - Macabro
- 1983 - La casa con la scala nel buio
- 1984 - Blastfighter
- 1984 - Shark - Rosso nell'oceano
- 1985 - Dèmoni
- 1986 - Dèmoni 2... L'incubo ritorna
- 1986 - Morirai a mezzanotte
- 1987 - Le foto di Gioia
- 1987 - A cena col vampiro – film TV
- 1987 - Per sempre – film TV
- 1987 - Una notte al cimitero – film TV
- 1988 - La casa dell'orco – film TV
- 1989 - La maschera del demonio – film TV
- 1989 - Il maestro del terrore – film TV
- 1989 - Il gioko – film TV
- 1989 - L'uomo che non voleva morire – film TV
- 1989 - Testimone oculare – film TV
- 1992 - Body Puzzle
- 2005 - The Torturer
- 2007 - Ghost Son
cuma Atōr
- 1982 - Tenebre, regìa ad Dario Argento
- 1985 - Dèmoni
- 1986 - Morirai a mezzanotte
- 1986 - Dèmoni 2... L'incubo ritorna
- 1987 - Una notte al cimitero
- 1988 - La casa dell'orco
- 2004 - I tre volti del terrore, regìa ad Sergio Stivaletti